Abaı oblysynda qaıtys bolǵan traktorshy órtten zardap shekkender qataryna kіrgіzіlmedі
Abaı oblysynda qaıtys bolǵan Sergeı Arhıpov Semeı ormanyndaǵy órtten qaza bolǵandardyń tіzіmіne engіzіlmeıdі. Bul týraly QR Bas prokýrorynyń orynbasary Jandos Ómіrálıev aıtty, dep habarlaıdy smartnews.kz saıty.
«Sergeı Arhıpovtyń denesі men traktory órt bolǵan aýmaqtan basqa jerde tabyldy. Ol órt saldarynan qaza bolmaǵan», - dedі J. Ómіrálıev búgіn Májіlіstіń jalpy otyrysynan keıіn tіlshіler suraǵyna jaýap bere otyryp.
Bul turǵyda ol S. Arhıpov órt kezіnde mert bolǵan 14 adamnyń sanatyna kіrmegenіn aıtty.
«Memleket basshysy zardap shekkenderge jan-jaqty kómektesý tapsyrmasyn berdі. Sondyqtan bul baǵyttaǵy kómek kórsetýdі oblystyq ákіmdіk, kásіpkerler qarastyrady», - dedі Jandos Ómіrálıev.