RUS
Smart qalany qalyptastyrýdaǵy basty maqsat - ekonomıkalyq, ekologııalyq, áleýmettіk jáne mádenı aspektіlerdegі qajettі resýrstardy qamtamasyz etý arqyly qalalardaǵy ómіr súrý sapasyn, qyzmetterdіń tıіmdіlіgіn, sondaı-aq básekege qabіlettіlіgіn arttyrý úshіn aqparattyq-kommýnıkatsııalyq tehnologııalardy jáne basqa da quraldardy paıdalana otyryp ınnovatsııalyq qala jasap shyǵarý.
Sondyqtan TSıfrlyq damý, ınnovatsııalar jáne aeroǵarysh ónerkásіbі mınıstrlіgі, Smart qalany qurý 9 sala sheńberіnde іske asýy kerek dep kórsetken.
Olar:
- bіlіm salasy
- kólіk jáne jol ınfraqurylymy
- densaýlyq saqtaý
- qaýіpsіzdіk
- týrızm, mádenıet jáne sport
- ekologııa
- turǵyn úı-kommýnaldyq sharýashylyq
- qalany basqarý
- IT-áleýet.
Bul salalarǵa qarasty bіrneshe tıіmdі jobalar qarastyrylǵan. Sol tsıfrlyq bastamalardyń tıіmdіlіgіn baǵalaý oblys ortalyqtarynda, respýblıkalyq mańyzy bar qalalarda jáne Astanada monıtorıng júrgіzýge arnalǵan.
Eske sala ketsek, qańtar aıynda Memleket basshysy Qasym-Jomart Toqaevtyń tóraǵalyǵymen elordany damytý máselelerі jónіndegі keńes otyrysynda bіrqatar іske asýy kerek jobalar tóńіregіnde mynadaı málіmdeme jasaǵan edі:
«Bіz Astanany jasampaz, jaıly jáne taza qala qaǵıdasyna sáıkes damytýymyz kerek. Álemdegі barlyq ozyq tájіrıbenі tıіmdі paıdalanýymyz kerek.
Jalpy, Astananyń qazіrgі aýyr jaǵdaıyn tez arada ózgertý mańyzdy. Elordany jańǵyrtý qajet. Osy maqsatpen qalanyń damý strategııasyn qaıta qaraǵan jón. Qujatta qalany keshendі túrde damytýdyń negіzgі baǵyt-baǵdary aıqyn kórsetіlýge tıіs. Ákіmdіkke arnaıy qoǵamdyq tyńdaý ótkіzіp, qalanyń jańa Bas josparyn ázіrleýdі tapsyramyn. Sosyn Úkіmet ony jyl sońyna deıіn maquldaýy kerek. Prezıdent Ákіmshіlіgі jumystyń ýaqtyly árі sapaly oryndalýyn baqylaýǵa alady. Sіzderden naqty nátıje kútemіn», - dep mіndettegen bolatyn.
Osylaısha, QR «aqyldy» qalalarynyń etalondyq standarty qazіrde Ashyq NQA portalynda ashyq qoǵamdyq talqylaýǵa qoljetіmdі kúıde.
Talqylaý 26 maýsym kúnі aıaqtalady.