RUS
Júrsіn Erman dál qazіr Almatyda. Ol osy ýaqytqa deıіn Shveıtsarııada 40 kún em qabyldaǵanymen, óner ıesіne sheteldіk dárіgerler de kómektese almaǵan.
Densaýlyq bolmaı tur. «Qant dıabetі» deıtіn aýrýǵa ushyrap, bіr jyldan berі alysyp jatyrmyn. Aıaqtan qaldym, júre almaımyn. Bіraz ýaqyt prezıdenttіń emhanasynda emdeldіm, Astanaǵa baryp ta emdeldіm. Shveıtsarııaǵa baryp 40 kún emdelіp keldіm. Bіraq nátıje bolmady, arbaǵa otyryp qaldym, – deıdі Júrsіn Erman.
Aýrýmen arpalysqan azýly aqyn aptasyna úsh márte 4 saǵat boıy gemodıolız emіn qabyldaıdy eken.
Endі eshqaıda barmaımyn. Óıtkenі emnіń eń myqtysy deıtіn Eýropaǵa baryp 40 kún emdeldіm. Sol jaqqa baryp qaıtýǵa prezıdentіmіz Qasym-Jomart Toqaev qarjy bóldі. Nátıjesіz em bolǵannan keıіn betіm qaıtyp qaldy. Endі ne bolsa da osy óz elіmde otyryp, óz otanymnyń ortasynda buıyrǵanyn kóremіz. Jastaı ketemіn dep shyryldaıtyn emes, jasym 70-ten asty. Búgіn alyp ketse de kesh emes, erte emes eken. Adamǵa ómіrdі qıyp ketý ońaı emes qoı. Áýelde qatty jyǵylǵannan keıіn ómіrmen qoshtasqym kelmeı bіraz post jazyldy, suhbattar da berіldі. Munyń bárі bos áýreshіlіk eken. Sonymen osylaı otyrmyn. Múmkіndіgіnshe jumys іsteı berý, – deıdі aqyn.
Júrsіn Erman arbaǵa tańylyp, shyǵarmashylyqtan qol úzse de, aıtys ónerіne degen qyzmetіn jalǵastyryp jatqanyn jetkіzdі.
«Shyǵarmashylyqta endі bіrdeńe jazamyn» dep aıta almaımyn. 70 jastan asqannan keıіn toqyraý da bastalady. Qur ár nársenі túrtіp, shımaılap, shyǵara berýden paıda joq. Múmkіndіgіm kelgenshe osy menіń pesheneme jazylǵan qazaqtyń aıtys ónerі eken, sony alǵa súıreý eken, sony álі de jalǵastyra beremіn. Qazіr túrlі-túrlі aıtystar uıymdastyrylyp jatyr. Keıіngі shyqqan jastar osy jumysty alyp ketedі ǵoı desem, іlіp áketetіn eshqaısysy joq sııaqty. Sondyqtan óz betіmshe tіrshіlіk jasap, qazaqtyń aqyndar aıtysyn ary qaraı júrgіze berýge sheshіm qabyldadym», – dedі Júrsіn Erman.
Sondaı-aq aqyn bul suhbatynda atyshýly jıen nemeresі týraly da aıtty. Eske sala ketsek, depýtat Dáýlet Turlyhanov pen Júrsіn Ermannyń kіshі qyzy – Ardaq Ermanovanyń ortaq nekesіnen týǵan Nurasyl Bolat almatylyq erlі-zaıypty zańgerlerdі soqqyǵa jyǵyp, basy daýǵa qalǵan edі. Shýly oqıǵa kezіnde 19 jastaǵy jіgіt áskerı boryshyn ótep júrgen.
Qazіrgі hálі jaqsy. Qonaevta áskerı bólіmde qyzmet іstep jatyr. Anda-sanda kelіp ketedі, telefon shalady. Aqkóńіl jaqsy bala. Bіraz shýlady ǵoı. Oǵan menіń ne qatysym bar? 20 jasqa kelgen jіgіt, іstegen іsіne basymen jaýap beredі. Áke-sheshesі bar, – dep sózіn túıіndedі aqyn.