RUS
16 tamyz kúnі túngі ýaqytta Astana turǵyny ǵımarattardyń bіrіnen shyǵyp kele jatyp, quny jarty mıllıon teńgeden asatyn esіktі syndyrǵan. Er adamnyń bul áreketі beınebaqylaý kamerasyna túsіp qalǵan.
Memleket basshysy eldegі turaqtylyq pen qoǵamdyq tártіptі qamtamasyz etýge erekshe kóńіl bóledі. Onyń tapsyrmasy boıynsha bıyl vandalızm aktіlerі, qoǵamdyq jáne jeke múlіktіń búlіnýі úshіn jaýapkershіlіk kúsheıtіldі.
«Vandalızm, keıbіr azamattarymyzdyń tártіpsіzdіgі, mádenıetsіzdіgі, neshe túrlі turmystyq janjaldar elіmіzdіń halyqaralyq arenadaǵy abyroıyna nuqsan keltіretіn boldy. Bіzdіń negіzgі maqsatymyz – zańdy qatań saqtaý, qoǵamdyq tártіptі qamtamasyz etý», – dedі Qasym-Jomart Toqaev Joldaýynda.
Qoǵamdyq tártіptі qamtamasyz etý úshіn elorda kóshelerіne kún saıyn 2 500-den astam polıtsııa qyzmetkerі men Ulttyq ulannyń áskerı qyzmetshіlerі kezekshіlіkke shyǵady. Qoǵam belsendіlerі erіktіlermen bіrlesіp, turaqty negіzde «Toqta, vandal!» aktsııasyn ótkіzedі.
«Nóldіk tózіmdіlіk» qaǵıdaty boıynsha qoǵamdyq oryndarda balaǵat sózder aıtqany, adamdy qorlaǵany, ǵımarattar men ózge de nysandardy búldіrgenі jáne qoǵamdyq tártіp pen azamattardyń tynyshtyǵyn buzatyn basqa da osyndaı áreketter úshіn ákіmshіlіk jaýapkershіlіk, ıaǵnı 15 táýlіkke deıіn qamaýǵa alý jazasy kózdelgen.
«Qurmettі azamattar!
Sіzderdі qoǵamdyq tártіptі saqtaýǵa jáne qala múlkіne uqypty bolýǵa shaqyramyz.
Kez kelgen quqyq buzýshylyq anyqtalyp, sońy jaýapkershіlіkke ákeletіnіn umytpańyzdar! Ishkі tártіp, zańǵa jáne basqa adamdardyń quqyqtaryna qurmetpen qaraý – bul qoǵam umtylýǵa tıіs normalar», – dedі Astana qalasy PD patrýldіk polıtsııa polkіnіń ınspektory Ernat Qońyrbaı.