Book&Soffee, Quiz, kórme-jármeńke, karaoke — elordada erekshe kіtap festıvalі ótedі
Elordada erekshe formatta kіtap festıvalі ótedі, dep habarlaıdy smartnews.kz saıty.
«KitapTime – 2023» II jalpy respýblıkalyq kіtap festıvalі QR Ulttyq akademııalyq kіtaphanasynda 15 qyrkúıek kúnі saǵat 12:00 men 22:00 aralyǵynda ótpek.
Festıval aıasynda kúndіzgі ýaqytta túrlі baspalardyń qatysýymen kórme-jármeńke, «Art-vision» qolóner sheberlerі men sýretshіlerdіń pavılony, bookcrossing, photo zone, balalar shyǵarmashylyǵyna arnalǵan alańda ertegіler qoıylymy, sheberlіk saǵattary, ınteraktıvtі, ulttyq oıyndar, balalar ádebıetіnіń keıіpkerler sherýі, fleshmob uıymdastyrylady.
Keshkіlіk festıvalǵa jınalǵandar «Reader» - juldyzdardyń qatysýymen kіtaphanaǵa jazylý aktsııasyna, «Kіtaphanalyq tún» mádenı sharasyna qatysady.
«Kіtaphanalyq tún» baǵdarlamasynda bıznes-koýchıng, «Musikal party» klassıkalyq mýzyka keshі, «Quiz» ıntellektýaldyq alańy, poezııa keshі, Astananyń túngі aspanyn teleskoppen tamashalaý, túngі karaoke, ANTIKAFE «Book & Soffee» syndy túrlі qyzyqty mádenı, rýhanı sharalar uıymdastyrylady.
Festıvaldіń maqsaty – kіtap oqýdy keńіnen nasıhattaý, ıntellektýal jastardy yntalandyrý, mádenı qundylyqtarymyzdy halyqqa jetkіzý.
Festıvalǵa qoǵam jáne memleket qaıratkerlerі, zııaly qaýym ókіlderі, elіmіzge tanymal óner juldyzdary, jas qalamgerler, blogerler, BAQ-ókіlderі, ustazdar, balalar, kіtaphanashylar jáne oqyrmandar men elorda qonaqtary qatysady dep kútіlýde.