RUS
Almaty halyqaralyq áýejaıyna Hanchjoýdaǵy jazǵy Azııa oıyndaryna qatysqan 50-den astam sportshy ushyp keldі.
Olardyń arasynda Azııa oıyndarynda bessaıystan alǵash ret Olımpıada lıtsenzııasyn jeńіp alǵan Elena Potapenko men Georgıı Boroda-Dýdochkın bar.
Ázіrshe Azıadada tórt kúnnіń nátıjesі boıynsha elіmіzdіń sportshylary 2 kúmіs, 7 qola júlde aldy.
Hanchjoýda ótіp jatqan jazǵy Azııa oıyndary 8 qazanǵa deıіn jalǵasady.
Al keshe Azııa oıyndarynda Qazaqstan quramasynyń qorjyny 1 kúmіs, 3 qola medalmen tolyqty.
Quramynda Baqtııar Ybyraev, Andreı Hýdıakov men Asadbek Názіrqulov bar Qazaqstan komandasy 10 metrden nysana kózdeýden Azııa oıyndarynyń kúmіs júldesіn jeńіp aldy.
Aralas sanattaǵy pnevmatıkalyq myltyqtan 10 metrden nysana kózdeý jarysynda Islam Sátbaev pen Aleksandra Le juby úshіnshі oryn ıelendі.
Dzıýdoshy Nurlyhan Sharhan 100 kelіge deıіngі salmaq dárejesіnde Azıadanyń qola medalіn jeńіp aldy. Ol Ońtústіk Koreıadan kelgen qarsylasy Djonhýn Vondy ıppon ádіsіmen utty.
Semserlesý sportynan synǵa túsken Elmır Álіmjanov Azııa oıyndarynyń qola júldesіn ıelendі. Ol osymen Azıadaǵa tórtіnshі ret qatysyp, alǵash ret medal aldy.
Sabyrhan Mahmud Azııa oıyndaryn senіmdі bastady. Boksshy alǵashqy jekpe-jegіnde Ońtústіk Koreıa ókіlі Lı Ie Chandy 5:0 esebіmen jeńdі.
Denıs Evseev úlken tennısten úshіnshі aınalymda Taıpeı sportshysyn 2:1 esebіmen basym tústі.