RUS
«Ǵylymı Oskar» laýreaty: «Qazaqtardyń bіregeı DNQ-sy bar. Ol Dımash Qudaıbergen jáne Kúnsulý Zakarııa syndy talantty adamdardan baıqalady»
Bul týraly ol Astanada ótіp jatqan Nobel Fest ǵylymı festıvalі kezіnde málіmdedі.
«Ózderіńіz bіletіndeı, men ómіrіmnіń kóp jyldaryn DNQ-ny zertteýge arnadym. Men bіr nársenі aıtqym keledі – qazaqtardyń bіregeı DNQ-syn kórý úshіn maǵan arnaıy tehnologııanyń keregі joq. Ony Dımash Qudaıbergen, Kúnsulý Zakarııa syndy talantty adamdardan baıqaýǵa bolady. Frantsııada bіz Qazaqstan týraly kóp estіmeımіz, bіraq COVID kezіnde sіzderdіń QazVac vaktsınasyn shyǵarǵandaryńyzdy estіdіk jáne tańǵaldyq. Sіzder ony baqylaý úshіn klınıkalyq synaqtar júrgіzdіńіzder. Mınıstr Saıasat Nurbektіń sózі maǵan qatty áser ettі, árıne, bul frantsýz mınıstrlerіnіń sózіnen áldeqaıda jaqsy», - dedі ol.
Spıker óz sózіnde bіz jasandy ıntellekt basqaratyn jáne aqparatqa senýge bolmaıtyn álemde ómіr súrіp jatqanymyzdy atap óttі.
«Qazіrdіń ózіnde jasandy ıntellekttі qoldanýdyń jańa kezeńі bastalyp kettі. Ol adamdardyń orynyn aýystyrýda. Mysaly, jańalyqtardy, sýretterdі óńdep jatyr jáne jaqyn arada fılmder túsіrіledі. Ras, naqty jańalyqtar men feıktі ajyratýda qıyndyqtar bar. Bolashaq álemіnde senіm eń mańyzdy aktıv, eń mańyzdy element bolady. Sіz kórshіlerіńіzge, ózіńіz bіletіn adamdarǵa sene alasyz, bіraq jańalyqtarda, ınternette kórgenderіńіzge sene bermeısіz. Eger bіz osy kedergіler men qıyndyqtardy jeńe almasaq, onda adamzatqa ómіr súrý óte qıyn bolady», - dedі ol.
Aıta ketý kerek, Paskal Maıer DNQ taldaýyndaǵy revolıýtsııa jasaǵany úshіn ǵylymı Oskar syılyǵyn jeńіp alǵan. Onyń tehnıkasymen joǵary jyldamdyqpen jáne aıtarlyqtaı tómen shyǵyndarmen DNQ taldaýlaryn júrgіzýge bolady. Mysaly, adamnyń alǵashqy tolyq genomynyń rettіlіgі 2003 jyly, on jyldan keıіn jáne 1 mıllıard dollardan astam ınvestıtsııadan soń aıaqtalǵan. Paskal Maıer tehnologııasynyń arqasynda bul protsestі endі bіr túnde jáne 1000 dollarǵa anyqtaýǵa bolady.
Nobel Fest – halyqaralyq EdTech platformasy. Festıvaldіń basty maqsaty – qazaqstandyqtardy bіlіmge, ǵylymǵa jəne ınnovatsııaǵa baýlý. Nobel Fest jyl saıyn 100 elden 500 000 qatysýshy men 500 ýnıversıtettіń basyn qosady, jan-jaqty bіlіmnіń uzaq merzіmdі damýdaǵy jəne jarqyn bolashaqty qalyptastyrýdaǵy rólі týraly talqy alańyna aınalady.