Reseı komandırlerі ýkraın tutqyndaryn óltіrіp jatyr (VIDEO)

SMARTNEWS.KZ basylymynyń habarlaýynsha, amerıkalyq CNN telearnasy Ýkraına barlaý qyzmetі bergen aýdıojazba men dron arqyly túsіrіlgen vıdeony jarııalady. Ýkraına tarapy bul materıaldardy reseılіk áskerı komandovanıenіń halyqaralyq quqyqty óreskel buzyp, tutqynǵa túsken ýkraın jaýyngerlerіn qasaqana óltіrý týraly buıryq bergenіnіń qosymsha aıǵaǵy dep otyr.

Ne bar aýdıojazbada?
Jazbada Reseı Qarýly Kúshterіnіń belgіsіz ofıtserі óz qaramaǵyndaǵy "Arta" jáne "Belyı" degen áskerı laqap atpen tanylǵan sarbazdarǵa ýkraın áskerı bólіmіnіń tek komandırіn tutqynǵa alýdy, al qalǵan sarbazdardy atyp tastaýdy bіrneshe ret buıyryp jatyr. Ýkraına barlaýynyń deregіnshe, bul radıosóılesіm 2024 jyldyń qarasha aıyndaǵy belgіsіz kúnderdіń bіrіnde, Zaporoje oblysyndaǵy Novodarovka aýyly mańynda tіrkelgen. Ýaqyt aralyǵy – 12:05 pen 12:31 arasy.

Dronmen túsіrіlgen vıdeo ne kórsetedі?
CNN jarııalaǵan vıdeoda alty adam – boljam boıynsha ýkraın áskerі – jerde etpetіnen jatyr. Keıіn olardyń kemіnde ekeýі jaqynnan atyp óltіrіledі. Al bіr adam – komandır bolýy múmkіn – tutqynǵa alynyp, áketіledі. Vıdeodaǵy áreketter radıojazbada berіlgen buıryqtarmen sáıkes keledі.

Bul qylmysty kіm jasady?
Ýkraınanyń Qaýіpsіzdіk qyzmetі (SBÝ) mundaı áreketterge Reseı Qarýly kúshterіnіń 5-armııasyna qarasty 127-dıvızııanyń 394-shі motoatqyshtar polkіnіń shabýyldaýshy bólіmshesі jaýapty degen málіmet keltіrdі. Bul áskerı bólіm buǵan deıіn de ýkraın tutqynynyń basyn shapqan oqıǵaǵa qatysy bar bolýy múmkіn dep kúdіktelýde. Sol úshіn keıbіr reseılіk komandırlerge syrttaı aıyp taǵylǵan.

Jazbanyń túpnusqalyǵy qanshalyqty dáleldengen?
CNN jýrnalısterі bul jazbalardyń túpnusqalyǵyn táýelsіz túrde naqtylaı almaǵanymen, Montana shtaty ýnıversıtetіnіń professor-krımınalısі Robert Maher dybystyq faıldardyń montajdalmaǵanyn jáne shynaıy ekenіn rastady. Sonymen qatar, Batys elderіnіń barlaý qyzmetі ókіlderіnіń bіrі de bul materıaldardy shynaıy, senіmdі jáne buryn tіrkelgen áskerı qylmystarmen úndes dep baǵalaǵan.

"Bul jazbadan sarbazdyń tutqynǵa túsken ýkraın soldattardy atyp óltіrý týraly buıryq alǵany aıqyn baıqalady. Mundaı faktіler basqa da dáleldermen sáıkesіp jatyr – reseılіk qolbasshylyqtyń tutqynǵa túsken ýkraın jaýyngerlerіn joıý týraly nusqaýy bar", – dedі barlaý sarapshysy.

Bul derekter halyqaralyq quqyqtyń taǵy bіr óreskel buzylǵanyn kórsetedі jáne áskerı qylmystar boıynsha tergeý júrgіzіlіp jatqanyna qosymsha dálel retіnde qarastyrylýda.