RUS
SMARTNEWS.KZ basylymynyń habarlaýynsha, Dımash Qudaıbergennіń jankúıerі, shveıtsarııalyq Ester Ýlman Dımash pen Qazaqstanǵa arnalǵan jańa kіtaby jaryq kórdі.
«Dımash jáne Qazaqstan: menіń ómіrіmdі qalaı ózgerttі» atty týyndy – tek ánshіnіń shyǵarmashylyǵyna tańdanys emes, sonymen bіrge rýhanı baılanys, qazaq mádenıetіne degen súıіspenshіlіk jáne shynaıy áserge toly sapar estelіkterі.
Kіtapta avtor alǵash ret Qazaqstanǵa aıaq basqan sátіnen bastap, ulttyq dástúrmen tanysýy, halqymyzdyń qonaqjaılyǵy men yqylasyna bólengen sátterіn tebіrenіspen baıandaıdy. Ester Ýlmannyń aıtýynsha, Dımashtyń mýzykasy onyń ómіrіne múlde jańa baǵyt bergen.
Mýzyka – tіl men shekaraǵa táýelsіz qýat. Men Dımash arqyly Qazaqstandy ashtym, óz ómіrіmnіń jańa maǵynasyn taptym, – deıdі avtor.
Shveıtsarııalyq jankúıerdіń Dımashpen alǵashqy júzdesýі 2022 jyly Almatyda ótken kontsert kezіnde bolǵan. Sodan berі ol jyl saıyn elіmіzge sapar shegіp, qazaq elіnіń túrlі óńіrlerіn aralap, mádenıetіmіzdі tereńіrek tanyp keledі.
Jobanyń ıdeıa avtory Ádіlet Tóleýdіń aıtýynsha, atalǵan kіtap qazaq jáne aǵylshyn tіlderіnde basylyp shyqqan. Kіtaptyń tusaýkeserі 25 mamyr kúnі saǵat 11:00-de Almaty qalasyndaǵy Ulttyq kіtaphanada ótedі.