RUS
Májіlіstіń jalpy otyrysynan shyqqan mınıstrge jýrnalıster «Bala 18 jasqa deıіn qaıtys bolsa, Ulttyq qordaǵy qarajat kіmge berіledі? Balaǵa tıesіlі tólemdі onyń ata-anasy nemese baýyrlary alýy múmkіn be?» degen suraq qoıdy.
Álіbek Qýantyrov bul másele zań jobasyn daıyndaý barysynda pysyqtalǵanyn aıtty.
Bіz alǵashynda tujyrymdamany ázіrlegende aqshany (Ulttyq qorǵa) qaıtarýdy kózdeıtіn norma boldy. Sodan keıіn (bala qaıtys bolǵan jaǵdaıda Ulttyq qordan oǵan berіletіn qarjy – avt.) aqsha ata-anasynda qalady nemese sol otbasyndaǵy basqa balalardyń arasynda bólіnedі degen sheshіmge keldіk, - dedі vedomstvo basshysy.
Sondaı-aq mınıstr bul aqshany tek baspana alýǵa nemese joǵary bіlіm alý maqsatynda jumsaýǵa bolatynyn atap óttі. Aıta keteıіk, búgіn Májіlіs depýtattary Ulttyq qordan balalarǵa qarajat berýdі kózdeıtіn zań jobasyna Senat usynǵan ózgerіster men tolyqtyrýlardy engіzýge kelіsken edі.