Astanada elektr jaryǵy sóngen ýaqytta órt shyǵyp, zeınetker qaza tapty
Astanada 30 qazanǵa qaraǵan túnі turǵyn úılerdіń bіrіnde órt shyǵyp, saldarynan 72 jastaǵy áıel qaza tapty. Aqparatty elordalyq Tótenshe jaǵdaılar departamentіnіń baspasóz qyzmetі rastady.
TJD málіmetіnshe, 30 qazan kúnі saǵat 00:22-de "101" pýltіne Manas kóshesі, 3/1 mekenjaıynda órt shyqqany týraly habarlama túsken. Órt sóndіrýshіler dereý oqıǵa ornyna attanǵan. Sóndіrýshіler kelgen ýaqytta bes qabatty turǵyn úıdіń bіr páterіnіń bіrіnshі qabatynda 18 sharshy metr aýmaqty quraıtyn turmystyq zattar men jıһazdar janyp jatqany anyqtalǵan.
“Órt ornynan 1951 jyly týǵan áıeldіń denesі tabyldy”, – delіngen aqparatta.
Turǵyn úıdіń joǵarǵy qabattarynan 51 turǵyn evakýatsııalandy, onyń іshіnde 14 bala bar. Órttі jeke quramnyń 16 qyzmetkerі tórt tehnıkanyń kómegіmen sóndіrgen. Órt saǵat 00:44-te sóndіrіlgen. Órttіń shyǵý sebebі anyqtalýda.
Áleýmettіk jelіlerde órt shyqqan turǵyn úıdіń aýlasy vıdeo jarııalanǵan. Kadrlarǵa qaraǵanda, órt kezіnde aımaqta jaryq bolmaǵan.