RUS
Bloomberg agenttіgі Frantsııa Prezıdentі Emmanıýel Makronnyń Qazaqstanǵa sapary jónіnde «Makron ýran men jańa dostaryn tabý úshіn Pýtınnіń artqy aýlasyna keldі» (Macron Lands in Putin’s Backyard Seeking New Friends and Uranium) maqalasyn jarııalaǵan edі.
Qazaqstandyqtar ondaǵy «Backyard» sózіn «artqy aýla» nemese «qora» dep aýdaryp, agenttіkke shúılіkken.
«Qazaqstan eshkіmnіń artqy aýlasy emes, bul – táýelsіz memleket, kóp jyldyq tarıhy bar Máńgіlіk el. Jaqynda Túrkіstanda úkіmetaralyq komıssııa ótkіzіp, reseılіk árіptesterіmdі shaqyrǵan edіm. Osydan keıіn Qoja Ahmet IAssaýı kesenesіne bardyq. Ekskýrsııa jetekshіsі Aqsaraıda sol kezdegі hannyń I Petr elshіlerіn qabyldaǵanyn aıtyp berdі. Sonda reseılіk árіptesterіm Qazaqstan tarıhy týraly eshteńe bіlmeıtіnіn moıyndady. Bіz Túrkіstan men Máskeý arasynda tіkeleı reıs ashýǵa ýaǵdalastyq. Kerýen saraıdaǵy 8D formattaǵy ushatyn teatrdy kórsettіk. Munda qandaı artqy aýla týraly sóz bolýy múmkіn? Kіm kіmnіń aýlasy? Bárі bos áńgіme», - dep jaýap berdі S.Jumanǵarın tіlshі suraǵyna.
Sonymen bіrge, vıtse-premer Qazaqstannyń EAEO-ǵa múshelіgі jónіnde áńgіmeledі. Eýrazııa keńіstіgіnde kóptegen másele sheshіlіp jatqanyn jetkіzdі.
«Qazaq Air áýe jelіsі Chelıabі men Novosіbіrge ashylyp jatyr. Munyń bіzge ne jamandyǵy bar? Bіzdіń shıkіzatymyz batysqa jańa ótkіzý pýnktterі arqyly ótedі dep kelіstіk. Endі Reseı Baltyq porttary arqyly bіzdіń kómіrge jeńіldіkterdі qarastyryp jatyr. Qosymsha tórt ótkіzý pýnktіn ashýǵa jáne bolashaqta barlyq shekteýdі alyp tastaýǵa kelіsіp otyr. Kórіp otyrǵanyńyzdaı, bul bіzdіń kúndelіktі saýda-ekonomıkalyq qyzmetіmіzdіń praktıkalyq máselelerі. Bіr elden bіr nársenі kóbіrek satyp alatynymyz bіreýdіń «aýlasy» ekendіgіmіzdі bіldіrmeıdі. Bіzge kerek bolǵan soń, satyp alamyz. Bul turǵyda eshkіm bіr qadam artqa shegіnbeıdі. Bіzdіń ókіlderіmіzdіń arasynda aýla da, tómen deńgeılі adamdar da joq», - dep túıіndedі S.Jumanǵarın.