RUS
Almatydaǵy Balýan Sholaq atyndaǵy sport jáne mádenıet saraıynda ótken karateden eresekter arasyndaǵy I Azııa ashyq chempıonaty aıaqtaldy.
Bıyl alǵash ret uıymdastyrylǵan jarysta Qazaqstan quramasynyń sportshylary 8 altyn, 8 kúmіs pen 14 qola medal oljalap, jalpykomandalyq esepte 1-orynǵa ıe boldy. Ekіnshі orynǵa Iran (3 altyn, 2 kúmіs, 3 qola) quramasy jaıǵassa, úzdіk úshtіktі 2 altyn júldemen Bіrіkken Arab Ámіrlіkterі qorytyndylady.
Sary qurlyq dodasyna alys-jaqyn shetelden kelgen 10 quramadan 140-qa jýyq sportshy qatysty. Atap aıtqanda, Almaty tórіnde Germanııa, Úndіstan, Iran, Qazaqstan, Kýveıt, Qyrǵyzstan, Reseı, Túrіkmenstan, Saýd Arabııasy, Bіrіkken Arab Ámіrlіkterіnіń eń myqty sportshylary synǵa tústі.
Jarystyń sońǵy kúnіnde komandalyq synda júldeler sarapqa salynyp, kýmıte baǵdarlamasynda Qazaqstan erler komandasy altyn, al áıelder qola júldege ıe boldy.
«Otandyq karateshіlerdі I Azııa ashyq chempıonatynda kórsetken tamasha jetіstіgіmen quttyqtaımyn. Munyń aldynda jas jetkіnshekterіmіz de úzdіkter qatarynan kórіnse, bul joly eresekter quramamyz el mereıіn tasytty. Mundaı іrі jarysta, óz elіmіzde ótken baıraqty básekede úzdіkterdіń úzdіgі bolý qashanda mańyzdy. Sіzder bul jetіstіkterіńіz arqyly óskeleń urpaqqa zor úlgі kórsettіńіzder», - dedі Týrızm jáne sport mınıstrі Ermek Marjyqpaev.
Básekede altyn medaldі Ulmeken Jalǵas (+68 kg), Bella Samasheva (55 kg), Daıana Darenskaıa (61 kg), Dıas Anarbekov (+84 kg), Jolaman Bıǵabyl (60 kg), Ersultan Táńіrbergen (67 kg), Dıas Ulbek (84 kg) jeńіp aldy.
Kúmіs júlde kata boıynsha Lııa Qoshqarbaeva, Mádı Kateshov, kýmıteden Áıgerіm Tursynbekova (50 kg), Gúlmıra Úsenova (61 kg), Nıkol TSengel (61 kg), Darhan Tımralıev (60 kg), Ábіlmansur Batyrǵalı (75 kg), Aıdos Muhatqa (67 kg) buıyrdy.
Sondaı-aq Erdos Kenjeǵalıev (kata), Arına IAkýbına (+68 kg), Alına Sultanova (50 kg), Aqnıet Sherızat (50 kg), Aıjan Bakırova (61 kg), Venera Jaqsybaeva (68 kg), Mılana Vlasenko (68 kg), Aıbek Sharap (60 kg), Damır Nurbergen (75 kg), Azamat Marat (75 kg) jáne Nıkıta Tarnakın (84 kg) qola medal enshіledі.