RUS
SmartNews basylymynyń habarlaýynsha, osy jyldyń 22 qarashasynan bastap «Expo» halyqaralyq kórme ortalyǵynda WorldSkills-2023 respýblıkalyq chempıonaty ótedі. Chempıonatta elіmіzdіń 20 óńіrіnen 545 stýdent pen 520 sarapshy baq synasady.
Maqsaty – jumysshy mamandyqtarynyń bedelіn arttyrý, ozyq tájіrıbeler men kásіbı standarttardy engіzý, tehnıkalyq jáne kásіptіk bіlіm berý júıesіnde saraptamalyq qoǵamdastyqty damytý jáne t.b.
«Chempıonat 7 baǵyt jáne 30 quzyret boıynsha ótedі. WorldSkills chempıonatynyń ashyqtyǵyn qamtamasyz etý úshіn sarapshylardy tańdaý jáne baǵalaý jumysy avtomattandyrylǵan. Ulttyq operator bıyl alǵash ret WorldSkills standarttary boıynsha 400 óńіrlіk sarapshyny oqytty, bul olarǵa krıterıaldy baǵalaýdyń mánіn, onyń іshіnde ashyqtyq pen sapany qamtamasyz etý úshіn qajettі rásіmderdі uǵynýǵa múmkіndіk berdі», - dedі QR Oqý-aǵartý mınıstrlіgіnіń Tehnıkalyq jáne kásіptіk bіlіm departamentі dırektorynyń orynbasary Aqzıra Qasymova.
Respýblıkalyq chempıonat qorytyndysy boıynsha júldelі oryndarǵa ıe bolǵan jeńіmpazdar 2024 jyldyń 10-15 qyrkúıegі aralyǵynda Frantsııanyń Lıon qalasynda ótetіn halyqaralyq WorldSkills chempıonatyna qatysý múmkіndіgіne ıe bolady.