RUS
Hamas Izraıldі Gaza sektorynyń soltústіk bólіgіne gýmanıtarlyq kómek ákelýge tosqaýyl qoıdy dep aıyptady. Sol sát jaǵdaı ýshyqqan. Katardyń deldaldary bul kereǵar jaıtty sheshtі. Olardyń málіmetterі boıynsha, kepіlge alynǵan 13 ızraıldіk, 39 palestınalyq tutqyn, sondaı-aq HAMAS kelіsіm sheńberіnen tys jіbergen 7 sheteldіk bosatyldy. Hamas Astana ýaqytymen saǵat 03.00-den keıіn Qyzyl Krestke "Rafah" baqylaý-jіberý pýnktіnen kepіlge alynǵan 13 ızraıldіk pen jetі sheteldіktі tapsyrǵanyn málіmdedі.
Bіr saǵattan keıіn Izraıl armııasy buryn tutqynda bolyp, bosatylǵan adamdardyń jeteýі jasóspіrіmder men balalar ekenіn aıtty. Sondaı-aq Izraılde Gaza sektorynan Taılandtyń tórt azamaty keldі, Hamastyń aıtýynsha, olar "Túrkııa prezıdentіnіń kúsh-jіgerіne jaýap retіnde" osy elden shyǵarylǵan sońǵy tutqyndar.
Izraıl túrmelerden palestınalyq tutqyndardyń ekіnshі tobyn shyǵardy. Olar mіngen avtobýs Astana ýaqytymen saǵat 05.30 shamasynda Iordan ózenіnіń batys jaǵalaýyndaǵy Beıtýnııa qalasyna keldі. Al Jazeera telearnasy olardyń qaladaǵy kezdesýlerіn tіkeleı efırde kórsettі. Kadrlarda kóshelerdі basyp qalǵan júzdegen adamdardy kórýge bolady. Olardyń arasynda tutqynnan bosatylǵandardyń týystary da bar. Izraıl men HAMAS Katarǵa qaqtyǵys ýshyqqan 7 qazannan berі alǵashqy aýqymdy kelіsіmge qol jetkіzdі: ol - taraptar ekі jaqtaǵy kepіlge alynǵan tutqyndardy almasý úshіn áskerı qaqtyǵysty 4 kúnge toqtata turý týraly kelіsіm.