RUS
2023 jyldyń 1 jeltoqsanynda saǵat 4:30 shamasynda Dıhan-2 aýylynyń janyndaǵy Taraz – Sarykemer – Myrzataı avtojolynda jol kólіk apaty oryn aldy.
Mas kúıde kólіk basqarǵan 26 jastaǵy VAZ-2107 avtokólіgіnіń júrgіzýshіsі rýlge ıe bola almaı, jol-kólіk oqıǵasyn jasady. Kólіk apaty saldarynan kólіkte bolǵan 27 jastaǵy jolaýshysy Baızaq aýdanynyń ortalyq aýrýhanasynda qaıtys boldy.
"Atalǵan derekke qatysty QR QK-nіń 345-1-baby 3-bólіgіmen (Avtokólіktі basqaratyn adamnyń abaısyzda adamnyń ólіmіne ákep soqtyrǵan mas kúıіnde jol qozǵalysy erejelerіn buzýy) sotqa deıіngі tergep-tekserý amaldary bastaldy. Júrgіzýshі qamaqqa alynyp, tergeý sotymen 2 aıǵa sanktsııalandy", - delіngen habarlamada.
Qazіrgі ýaqytta qajettі saraptamalar taǵaıyndalyp, tergeý amaldary jalǵasyp jatyr. Avtokólіk aıyp turaǵyna qoıyldy. Bapqa sáıkes osy qylmysty jasaǵany úshіn on jyl merzіmge belgіlі bіr laýazymdardy atqarý nemese belgіlі bіr qyzmetpen aınalysý quqyǵynan aıyra otyryp, jetі jylǵa deıіngі merzіmge bas bostandyǵynan aıyrý túrіndegі qylmystyq jaýaptylyq kózdelgen.
2023 jyldyń 11 aıynda kólіktі mas kúıіnde basqarǵany úshіn 725 júrgіzýshі ákіmshіlіk jaýapkershіlіkke tartylǵan.