Qazaqstandyq tennısshіler Aýstralııadaǵy týrnırdі sáttі bastady
Qazaqstandyqtar Denıs Evseev pen Tımofeı Skatov Kanberra (Aýstralııa) chellendjer týrnırіnіń іrіkteý saıysyn sáttі bastady. Bul týraly Kazinform habarlap otyr.
Álemnіń 190-raketkasy D.Evseev іrіkteý saıystarynyń bіrіnshі aınalymynda dúnıejúzіlіk reıtıngte 306-orynda turǵan aýstralııalyq Lıýk Sevılmen kezdestі.
Bastapqy sette aýstralııalyq tennısshі 6:2 esebіmen basym túskenіmen, Evseev tarazy basyn aýdara aldy – 6:1, 6:3.
Ekі saǵatqa jýyq ýaqytqa sozylǵan tartysty matchta Denıs 2 eıs jasap, 14 breık-poınttyń altaýyn óz esebіne jazdy. Qarsylasy 5 eıs, 5 breıkpen (13 breık-poınt) kózge tústі.
Álemnіń 222-raketkasy Tımofeı Skatov reıtıngte orny joq taǵy bіr kort ıesі Hıý Ýınterdі bіr saǵatqa jetpeıtіn ýaqytta 6:0, 6:2 esebіmen ońaı jeńdі. Ol 2 eıspen bіrge 5 breık-poıntty túgel paıdalandy.
Denıs Evseev іrіkteý saıystarynyń fınalynda álemnіń 217-rakateasy, bosnııalyq Nerman Fatıchpen, Tımofeı Skatov reıtıngte 1388-satydaǵy aýstralııalyq Keısı Hýlmen talasady. Qarsylastaryn jeńse, negіzgі jarysqa joldama alady.
Júlde qory 164 myń AQSh dollaryna baǵalanǵan atalmysh doda 1-7 qańtar aralyǵynda ótedі.
D.Evseev pen T.Skatov Aýstralııa ashyq chempıonatynyń іrіkteý saıystaryna qatysatyndyqtan, oǵan deıіn daıyndalyp alýdyń mańyzy zor.