RUS
Smart News basylymynyń habarlaýynsha, 2023 jyldyń qorytyndysy boıynsha jemqorlardan tárkіlengen qarajyǵa salynǵan 43 mektep ashyldy. Osylaısha, elіmіzde úsh apatty jáne 13 úsh aýysymdy mektep máselesі sheshіldі. Bul týraly QR Oqý-aǵartý mınıstrlіgіnіń baspasóz qyzmetі habarlady.
Óńіrlerde jańa bіlіm berý nysandaryn іske qosý nátıjesіnde taǵy 54,4 myń jańa oqýshy orny paıdalanýǵa berіldі. Atap aıtsaq, Almaty jáne Túrkіstan oblystarynda – 8 mektepten, al elordada - 10 mektep.
«Bіlіm berý ınfraqurylymyn qoldaý qory» esebіnen barlyǵy 76 738 oqýshyǵa arnalǵan 62 mekteptіń qurylysy qarjylandyryldy. Jobalardyń jalpy somasy 96 mlrd teńgeden asty. Qarajat jergіlіktі atqarýshy organdardyń shottaryna túsken.
Jalpy, qordyń qyzmet etý merzіmі іshіnde 150 mlrd teńgeden astam qarajat tústі. Olar mektepterdі, qosymsha ǵımarattar men ınternattardy qaıta jańartýǵa, sondaı-aq úsh aýysymdy oqytý, apatty mektepter máselesіn sheshýge jáne oqýshy oryndarynyń tapshylyǵyn joıýǵa jumsaldy.