RUS
Baıqońyr aýdanynyń polıtsııa basqarmasy QR QK-nіń 273-baby 1-bólіgі boıynsha (Terrorızm aktіsі týraly kórіneý jalǵan habarlama) boıynsha sotqa deıіngі tergep-tekserýdі bastady, tıіstі saraptamalar taǵaıyndaldy. Elordalyq mekteptіń muǵalіmі polıtsııaǵa 9-synyp oqýshysynyń úzіlіste basqa oqýshylarǵa mektep qabyrǵasynda zańsyz áreketterdі jasaýǵa shaqyratyn іs-sharalar týraly paraqshalar taratyp jatqanyn baıqaǵany týraly polıtsııaǵa júgіndі.
Oqıǵa ornyna jedel-tergeý toby dereý jіberіldі. Mán-jaıdy anyqtaǵan kezde jasóspіrіm ázіl úshіn kompıýterde mátіn jazǵanyn jáne paraqshalardy basyp shyǵarǵanyn moıyndady.
"Oqýshynyń zańdy ókіlderіne qatysty QR ÁQBtK-nіń 127-baby (Kámeletke tolmaǵan adamdy tárbıeleý jáne (nemese) oǵan bіlіm berý, onyń quqyqtary men múddelerіn qorǵaý jónіndegі mіndetterdі oryndamaýy) boıynsha ákіmshіlіk іs qozǵaldy", - delіngen habarlamada.
Astana qalasynyń kámeletke tolmaǵandardyń іsterі jónіndegі mamandandyrylǵan aýdanaralyq sotynyń sheshіmіmen kámeletke tolmaǵannyń anasyna aıyppul salyndy. Polıtsııa departamentі mundaı áreketter úshіn qylmystyq jaýapkershіlіk 14 jastan bastalatynyn eske salady. Balalardy tárbıeleý boıynsha tıіstі sharalardy qabyldamaǵany úshіn ata-analar qoldanystaǵy zańnamaǵa sáıkes ákіmshіlіk jaýapkershіlіkke tartylatyn bolady.