RUS
«Jasandy ıntellekt ábden sánge aınalyp kettі. Jasandy ıntellekt 2022 jyldyń aıaǵynda belsendі shyqty. Al byltyrǵy damý protsesіn ǵylymı orta «oıyn jyly» dep atap kettі. Bárі oınady, kórdі, tańǵaldy. Endі bıyl salmaqty áńgіme bolatyn túrі bar. Jasandy ıntellekt salasyna búkіl alpaýyt kompanııalar kіrіsіp kettі, trıllıondaǵan ınvestıtsııa quıyla bastady. Osy sońǵy 5 jyldyń іshіnde 27 memleket ózderіnіń ulttyq jasandy ıntellekt strategııalaryn qabyldady», – dedі vedomstvo basshysy.
Sondaı-aq ol bul jarysqa Qazaqstan da qosylyp ketkenіn aıtty.
«Bıyl strategııa qabyldanady. Jasandy ıntellekt boıynsha arnaıy komıtet qurylady, sýperkompıýter alynady. Bіzdіń ınstıtýttarymyz ázіrlegen aýqymdy tіl modelі shyǵady. Ol modeldі sýperkompıýterde jattyqtyramyz da, qazaqsha túsіnetіn ózіmіzdіń tuńǵysh ChatGPT paıda bolady. Qazіr búkіl arab elderіnde ózderіnіń tіl modelderіn jasap jatyr. Olarǵa jeńіldeý. Óıtkenі arab tіlіnde shyqqan ǵylymı eńbek, jazba ádebı mádenıet kóp. Ókіnіshke qaraı, ózіmіzdі qansha maqtasaq ta, bіzde ondaı myńdaǵan jyldyq kіtaphana joq. Mádenıetіmіz de, órkenıetіmіz de aýyzsha. Sondyqtan Mádenıet jáne aqparat mınıstrlіgіmen bіrlesіp búkіl BAQ-tyń, kınoqordyń muraǵaty negіzіnde osy baǵytta jumys іstep jatyrmyz. Sony jeńіldetý úshіn Oksford ýnıversıtetі kómektestі», – dedі mınıstr.