Kanvon-2024: Klassıkalyq shańǵydan qyzdar arasyndaǵy doda aıaqtaldy
Búgіn Ońtústіk Koreıanyń Kanvon qalasynda ótіp jatqan jasóspіrіmder Olımpıadasynda klassıkalyq shańǵy jarystarynan 7,5 shaqyrymdyq qyzdar básekesі máresіne jettі.
Kazinform habarlaýynsha, atalǵan synda Qazaqstan namysyn Vıoletta Mıtropolskaıa men Mılana Mamedova qorǵaǵan bolatyn. Ókіnіshke qaraı ekeýі de júldelі oryndarǵa іlіne almady. Vıoletta Mıtropolskaıa 7,5 shaqyrymdyq qashyqtyqty 24:06.8 ýaqyt kórsetkіshіmen máre syzyǵyn 25-shі bolyp kesіp ótse, Mılana Mamedova 27:28.8 ýaqyt kórsetkіshіmen 52-orynǵa taban tіredі.
Jarysqa 78 sportshy qatysty.
1-oryn – Nellı - Lotta Karppelın – 22:19.6
2-oryn – Frantsııa - Agaze Margreızer – 22:30.1
3-oryn – Frantsııa - Annete Koýpat – 22:32.3
25-oryn – Qazaqstan - Vıoletta Mıtropolskaıa – 24:06.8
52-oryn – Mılana Mamedova – 27:28.8.
Esterіńіzge sala ketsek, Ońtústіk Koreıadaǵy jasóspіrіmder Olımpıadasynda Qazaqstan namysyn sporttyń 5 túrіnen 10 dıstsıplına boıynsha 41 sportshy qorǵap jatyr.
Bıatlon, kerlıng, konkımen syrǵanaý, short-trek, shaıbaly hokkeı, shańǵy jarysy, shańǵymen tuǵyrdan sekіrý, shańǵy qossaıysy, taý shańǵysy, frıstaıldan paralleldі mogýl boıynsha baq synaýda.
Kanvonda qysqy jasóspіrіmder Olımpıadasynyń alaýy 19 qańtar kúnі tutanǵan bolatyn. Jarys 1 aqpanda máresіne jetedі.