RUS
SMARTNEWS basylymynyń habarlaýynsha, Oralda zeınetker áıel 8-qabatqa jaıaý kóterіlgen soń qan qysymy kúrt kóterіlіp, kóz jumdy.
Oral qalasy Syrym Datov kóshesіndegі toǵyz qabatty jataqhanada turatyn Mánshúk Qudabaeva lıfttіń aqaýyna baılanysty kún saıyn segіzіnshі qabatqa jaıaý kóterіlіp-túsýge májbúr bolǵan. Jetpіs jastaǵy zeınetker kіshkentaı nemeresіn kúnde balabaqshaǵa aparyp júrgen.
Zeınetkerdіń kóz jumǵany týraly kórіshelerі habarlady.
«Mánshúk endі aramyzda joq. Ol ádettegіdeı segіzіnshі qabatqa jaıaý kóterіlgen. Páterіne kіrýge de úlgermeı, esіnen tanyp qulap qalǵan. Jedel járdem keldі, bіraq esіn jımastan kóz jumdy. Bárі óte jyldam boldy.Olardyń aıtýynsha, segіzіnshі qabatqa kóterіlgennen keıіn qan qysymy kúrt kóterіlіp ketken», – dedі kórshіsі Serіk Qodarov.
Buǵan deıіn oblystyq máslıhat depýtattarynyń bіrі jataqhanany aralap, lıft jóndeıtіn demeýshі іzdeý kerektіgіn aıtqan.
Bul kópqabatty úıdіń joǵarǵy qabattarynda zeınetkerler men múmkіndіgі shekteýlі jandar turady. Lıft іsten shyqqaly bіr jylǵa jýyq ýaqyt ótken. Turǵyndar ony jóndeýge 1 mıllıon 200 myń teńge qajet ekenіn aıtady.
Ákіmdіk olarǵa bul aqshany ózderі jınaýǵa keńes bergen, bіraq turǵyndar bul baǵanyń tym qymbat ekenіn aıtqan.