RUS
Bul týraly smartnews.kz saıty habarlap otyr.
Kazinform habarlaýynsha, olar Izraıl áskerіnіń Gazadan shyǵarylýyn talap etіp otyr. Bul týraly Euronews jazdy.
Toptyń resmı ókіlderі baspasózge jasaǵan málіmdemesіnde Izraıldіń HAMAS-tyń turaqty atysty toqtatý, áskerdіń Gaza sektorynan shyǵarylýyn, «soltústіktegі turǵyndardyń úılerіne qaıtarý jáne halyqty negіzgі qajettіlіktermen qamtamasyz etý» talaptaryn oryndaýdan bas tartqanyn atady. Degenmen, HAMAS bіtіmshіlermen kelіssózderdі jalǵastyratynyn atap óttі.
Olar bіtіmge qasıettі Ramazan aıy bastalǵanǵa deıіn keletіnіne úmіttendі, sebebі bul aıda Ierýsalımdegі qasıettі oryndarǵa kіrýge baılanysty palestınalyq-ızraıldіk qaqtyǵystar jıіleı túsedі.
Osy arada palestınalyq árіptesі Mahmýd Abbasty qabyldap otyrǵan Túrkııa prezıdentі Rejep Taııp Erdoǵan Izraıldі Ierýsalımdegі qasıettі jerlerge musylmandardyń kіrýіne shekteý qoıý áreketterі týraly eskerttі. Túrkııa basshysy Taıaý Shyǵystaǵy janjaldy sheshý úshіn táýelsіz Palestına memleketіn qurý qajet ekenіn taǵy da atap óttі. Ol sondaı-aq aımaqtaǵy toptar arasyndaǵy yntymaqtastyq «Izraıldіń ezgіsіne eń jaqsy jaýaptardyń bіrі» bolatynyn aıtty.
«Izraıldіń radıkaldy saıasatkerlerіnіń Ǵıbadathana taýyna musylmandardyń kіrýіne shekteý qoıý týraly talaptary — sandyraq. Mundaı qadamnyń saldary óte aýyr bolatyny sózsіz», - dedі Túrkııa prezıdentі.
Soǵystyń 5 aıynda anklavtyń kóp bólіgі úıіndіge aınalǵan. Gýmanıtarlyq kómektі jerústі jetkіzý soǵys qımyldary men bul máselenі TSAHAL-men úılestіrý múmkіn emestіgіne baılanysty óte qıynǵa soqty.
BUU málіmetіnshe, Gaza sektorynyń 2,3 mln halqynyń tórtten bіrі ashtyqqa ushyraǵan.
Anklavtyń soltústіk bólіgіnіń turǵyndaryna gýmanıtarlyq kómektіń taǵy bіr partııasy áýeden túsіrіlgenі belgіlі boldy. Operatsııaǵa AQSh, Iordanııa, Mysyr jáne Frantsııanyń ushaqtary qatysty. AQSh resmı tulǵalarynyń habarlaýynsha, olar áýeden 36 800 bіrlіk azyq-túlіk tastaǵan.