RUS
SMARTNEWS.KZ basylymynyń habarlaýynsha, dіntanýshy, Astanadaǵy Yryskeldі qajy atyndaǵy meshіttіń ımamy Nurlan Baıjіgіtuly Jibek Joly telearnasyndaǵy «Oraza qabyl bolsyn» baǵdarlamasynda kórermenderdіń orazaǵa qatysty suraǵyna jaýap beredі. Bul týraly jambylinfo.kz jazdy.
Ramazan aıynyń tórtіnshі kúnі tіkeleı efırge habarlasqan kórermen «Oraza kezіnde aýyz bekіter kezde keıde 5-10 mınýt keshіgіp aýyz bekіtemіn. Tamaq jep-jep alaıyn dep. Osylaı keshіgіp bekіtemіn, bola ma?» dedі. Suraq qoıǵan jіgіttіń áńgіmesіne ımam kúldі.
«Qazaqstan Musylmandary dіnı basqarmasy kúnnіń shyǵatyn ýaqyty men aýyz bekіtetіn sáresіnіń, aýyz ashatyn aqsham ýaqytyn jіtі zerdelep, bekіtedі. Sondyqtan sіz aýyz bekіter kezde on mınýt keshіkkenіńіz óte qaýіptі. Tіptі, bul orazanyń durys bolmaýyna ákep soǵady. Sondyqtan on mınýt keshіgіp jegenshe, on mınýt erte tura salyńyz. Uıaly telefonyńyzdaǵy oıatqyshty 10-20 mınýt erte qoıyńyz», - dedі ımam.