3 mlrd teńge: «Astana-Teplotranzıt» jylýǵa artyq aqsha alǵan
Astana turǵyndarynyń aqpandaǵy jylý tarıfіne qatysty shaǵymdarynan soń, baǵa tómendetіletіn boldy. Bul týraly Ulttyq ekonomıka mınıstrlіgіnіń tabıǵı monopolııalardy retteý komıtetі málіmdedі.
SMARTNEWS.KZ basylymynyń habarlaýynsha, jylý energııasyn jetkіzýshі «Astana-Teplotranzıt» mekemesіnіń qyzmetіn taldaý barysynda jaýapty ınspektorlar kórsetіlgen qyzmet kólemіnіń artýyna baılanysty negіzsіz alynǵan kіrіsterdі anyqtady.
Sondaı-aq jeke sýbektіnіń teńgerіmіnde joq nysandarǵa baǵyttalǵan tarıf smetasyndaǵy qarajattyń maqsatsyz paıdalanylǵany belgіlі boldy.
Osylaısha, qaıta qarjylandyrý mólsherlemesіn eskere otyryp, tutynýshylardyń jalpy somasy 3 mlrd teńgege jýyq qarjysy tarıf aıasynda qalpyna keltіrіledі.
Tabıǵı monopolııalardy retteý komıtetіnіń Astana qalasy boıynsha departamentі ýaqytsha óteý tarıfіn engіzý arqyly negіzsіz alynǵan tabysty qaıtarý bólіgіnde, «Tabıǵı monopolııalar týraly» zańǵa sáıkes sharalar qabyldady. Qabyldanǵan sharalar tutynýshy úshіn jylý tarıfіnіń 8 paıyzǵa tómendeýіne alyp keldі, – delіngen mınıstrlіk habarlamasynda.
Material avtory
