RUS
Telejúrgіzýshі bul jaıly Instagram paraqshasynda jazdy.
"Endі "alyp qashý" degen bolmaıdy. Bіr qyzyq oqıǵa esіme túsіp tur. Buryn qyzy men anasy "eger senі erkіńnen tys alyp qashsa jáne senen óz erkіmmen keldіm degen qolhat alatyn bolsa, 3 lep belgіsіn qoı. Al eger shyn súıіp qosylsań bіr lep belgі qoı" dep kelіsken ǵoı. Sóıtіp, álgі qyzdy aıaq astynan tanymaıtyn jіgіt alyp qashyp ketіp, qolhat jazdyryp alady. Ony qýǵynshylarǵa berse, hattyń sońynda úsh lep belgі tur eken. Ony kórgen anasy qyzyn alyp qaıtypty", - dedі Láılá Sultanqyzy.
Sonymen qatar telejúrgіzýshі ózіn mektep bіtіrgen boıda alyp qashyp ketpeýі úshіn ákesі Almatyǵa oqýǵa alyp ketkenіn de baıandap berdі.
"Qyz alyp qashýdyń jazasy kúsheıtіletіnіn oqyp, esіme ákem túsіp otyr. 16 jasqa tolǵanda jalǵyz qyzyn alyp qashyp keter degen ýaıymmen, menі mektep bіtіrgen kúnі Almatyǵa oqýǵa alyp kettі. Sol kezde kórshі-qolańnyń qyzdary bіrіnen soń bіrі óz erkіmen, erkіnen tys turmysqa shyǵyp jatty. Sonda ákem ómіrde ornyn durys tapsyn degen ýaıymdaǵan ǵoı.
Sol kezde alyp qashý, qınap qaldyrý, ájenіń tabaldyryqqa jatýy, baýyrsaq shashýy sııaqty áreketter jasaıtyn. Sol ýaqytta ony qalypty jaǵdaı dep oıladyq qoı. Ol kezde de aryzdanýshylar da boldy. Onyń ózіn tek júrek jutqandar men uıatty ysyryp qoıǵandar ǵana іstedі.
Qazіr eshkіm bulaı іstemeıdі. Ul da, qyz da aqyldy dep oılaımyn. Qyzdar "qazіr erte turmysqa shyǵyp, balaly bolý negіzgі maqsat emes. 25 jastan keıіn asyqpaı turmysqa shyqqan jón. Oqyp, el-jer kórіp, damyp, jaǵdaıymyzdy jasaýymyz kerek" deıdі", - dep jazdy Láılá Sultanqyzy.