RUS
Mektep ákіmshіlіgі Jańatas qalasyndaǵy jaǵdaıdy jasyrý úshіn qyzdyń anasyna eskertpeı, oǵan túsіk jasatqan. Qazіr 7-synyptaǵy jasóspіrіmge azǵyndyq jasady degen kúdіkpen aýdandyq máslıhat depýtatynyń kúıeýі qamaýǵa alyndy. Polıtsııa qylmysty der kezіnde habarlamaǵan bіlіm salasynyń qyzmetkerlerіne qatysty іs qozǵady.
12 jasar qyzdy uzaq ýaqyt 55 jastaǵy er adam jynystyq qarym-qatynasqa tartqan. Telefon syılap, aldap, oqýshyǵa oıyna kelgenіn іstegen kórіnedі. Aqyry júktі bolyp, anasyna bar shyndyqty aıtýǵa bel býǵan. Qaltasy qalyń kúdіktі qyzdy qorqytyp, eshkіmge aıtpaýyn talap etken.
“Kerek joq, onyń baılanysy myqty. Áıelі depýtat. Balabaqshada meńgerýshі bolyp іsteıdі” dep jylady. Maǵan qyzym júktі ekenіn tek jańa jyldyń qarsańynda aıtty. Júktіlіk merzіmі shamamen alty aılyq”, – dedі anasy Márııam Smadııarova.
Jalǵyzbasty áıel qyzynyń júktіlіgіn mektep basshylary da jasyrýǵa tyrysqanyn aıtady. Qyz mektep-ınternatta jatyp oqyǵan. Júktіlіktіń alty aılyǵynda oqýshyny bіlіm oshaǵynyń qyzmetkerlerі Jańatastan Qarataý qalasyna alyp ketken.
“Maǵan túsіk jasatatynyn aıtqan joq. Olar túsіkten buryn tolǵaq shaqyratyn dárі bergen. Men bіlmedіm. Tek túnde qyzym túsіk jasatqyzǵany týraly hat jazyp jіberіptі. Sútі taraýy úshіn omyraýyn sharfpen býyp, úıge ákelіp tastady. Bіraq bul túsіk eshqandaı quzyrly organdarynda tіrkelmegen. Jasyryn túsіk jasatýdyń jolyn tapqandar jeke gınekolog jaldaǵan eken.
Bіlіm bólіmіnіń basshysy kúdіktі balabaqshada kúzetshі bolyp іstegenіn aıtady.
“Qazіr tergeý amaldary júrіp jatyr. Sondyqtan eshnárse aıta almaımyn. Oqıǵa bolǵany ras. Aıgóılek memlekettіk balabaqshasynda kúzetshі bolyp jumys іstegen. Qazіr polıtsııa departamentі bul aıtylǵandardy tergeýmen dáleldengenіn jetkіzdі. Jetіnshі synyptaǵy jetkіnshekke azǵyndyq jasaǵan kúdіktі qamaýǵa alyndy. Sondaı-aq osy іske qatysy bar bіlіm bólіmіnіń qyzmetkerlerіnіń ústіnen qylmystyq іs qozǵalǵan”, – dedі Sarysý aýdany bіlіm bólіmіnіń basshysy Ilııas Baımaǵambetov.
“Tergeý barysynda jynystyq qatynas saldarynan 2022 jyly júktі bolǵany anyqtaldy. Alaıda júktіlіk deregі mektep basshylyǵymen jasyrylǵan, tıіstі organdarǵa habarlaýsyz túsіk jasalǵan. Aıyptalýshynyń kіnásі dáleldenіp, qamaqqa alyndy. Is sotqa jіberіldі. Mektep basshylyǵyna qatysty QK 434 baby “Qylmys týraly habarlamaý” týraly іs tіrkeldі”, – dep málіmdedі Jambyl oblysy polıtsııa departamentі bastyǵynyń orynbasary Almaz Salamatov.