Ózbekstanda depýtat elde orys tіlіn az paıdalanýdy usyndy

Smart News basylymynyń habarlaýynsha, Ózbekstan depýtaty orys tіlі qoldanysyna qatysty usynys tastady. Bul týraly Azattyq radıosy jazdy.

Ózbekstan parlamentіnіń tómengі palatasy spıkerіnіń orynbasary, «Mıllıı tıklanısh» partııasynyń jetekshіsі Álіsher Qadyrov eldegі bіlіm, televıdenıe jáne ózge salalarda orys tіlіnіń paıdalanylýyn qaıta qaraýdy usyndy.

«Reseıdіń resmı ókіlderі shovınısterdіń oǵash qylyqtaryn aıtýmen ǵana shektelіp otyr. Olarǵa osyndaı saryndaǵy áńgіme qyzyq sııaqty. Keıіngі kezderі orys tіlіnde shovınıstіk málіmdemelerden basqa eshteńe estіmeıtіn boldyq. Mundaı jaǵdaıda qarym-qatynasty jaqsartýdyń praktıkalyq sharalary týraly oılaný kerek. Mysaly, orys tіlі bіlіm berý, teledıdarda tym keńіnen qoldanylady, al elde orys tіlіnde sóıleıtіn otandastarymyzdyń úles mólsherі 3 paıyzǵa da jetpeıdі. Osyndaı dısbalansty túzeý kerek», - dep jazdy ol telegram-arnasynda.