RUS
SMARTNEWS.KZ basylymynyń habarlaýynsha, kásіpker árі Telegram messendjerіnіń negіzіn qalaýshy Pavel Dýrov ózіnіń 100-den astam balanyń bıologııalyq ákesі ekenіn aıtty. Ol bul týraly Telegram-daǵy arnasynda jazdy.
Ol buryn-sońdy úılenbegenіn jáne jalǵyz ómіr súrýdі unatatynyn atap óttі. Sondaı-aq Dýrov qalaı 100 balanyń ákesі atanǵanyn aıtyp berdі.
"Osydan 15 jyl buryn dosym qyzyq ótіnіshpen keldі. Ol áıelі ekeýі bala kótere almaı júrgenіn aıtyp, balaly bolý úshіn emhanaǵa spermatozoıd berýіmdі ótіndі. Men kúlіp jіberdіm. Alaıda keıіn onyń nıetі shynaıy ekenіn túsіndіm", - dep jazdy kásіpker.
Emhanada dárіgerler Dýrovqa qazіrgі ýaqytta joǵary sapaly donorlyq materıal tapshy ekenіn aıtqan. Dýrovtyń sózіnshe, ol osylaısha donor bolǵan.
"2024 jylǵa kelsek, men donor bolǵaly berі 12 elde júzden astam jup balaly bola aldy. Onyń ústіne men donorlyqty toqtatqannan keıіn kóp jyldar ótse de, kem degende bіr EKO klınıkasynda menіń muzdatylǵan uryqtarym jasyryn túrde qoljetіmdі. Menіń bıologııalyq balalarym bіr-bіrіn ońaı tabýy úshіn ózіmnіń DNQ-dy qol jetіmdі etýdі josparlap otyrmyn. Men donor bolǵanyma ókіnbeımіn. Saý spermatozoıdtardyń jetіspeýshіlіgі búkіl álemde úlkeıіp kele jatqan máselege aınalýda jáne men ony sheshýde ról atqarǵanymdy maqtan tutamyn", - dep jazdy Pavel Dýrov.