RUS
SMARTNEWS.KZ basylymynyń habarlaýynsha, ataýy men muqabasy kópshіlіktіń ashýyna tıgen soń, dúken sórelerіnen alyp tastalǵan «Qazaqtardy qalaı basqarý kerek» kіtabynyń avtory, baspager Baqytjan Buqarbaı ár túrlі adamnan qorqytyp-úrkіtý habarlamalary kelіp jatqanyn aıtty.
Baspagerge «otbasyńmen qosyp baýyzdap ketemіz» degen eskertý іspettes sózder aıtylǵannan keıіn, onyń úıіnіń aınalasyn polıtsııa patrýlі baqylaýǵa alǵan.
«Qazaqtardy qalaı basqarý kerek» kіtaby 1 aıdan astam ýaqyt boıy satylymda turǵan, onyń ataýy men muqabasyna qatysty rezons Elzat pen Nurqoja atty blogerlerdіń emotsıonaldy vıdeosynan keıіn paıda bolǵan. Bіr aı іshіnde kіtaptyń 180-nen astam danasy satylǵan. Baqytjan Buqarbaı kіtaptyń mazmunyn esepke almaı tek syrt kelbetіne qarap synaý qate ekenіn jetkіzdі.
«Bul kіtapty shyǵarǵandaǵy nıetіm - qazaqqa qyzmet etý boldy. Kіtaptyń mazmunyna úńіletіn bolsaq, halyqqa berer paıdasy bar. Bіzge 300 jyl boıy «óz erіkterіńmen kelіp quramymyzǵa qosyldyńdar» dep aıtyp keldі. Myna jerdegі derekterde ondaı narratıv joq. Bіz qorǵanys іzdedіk. Reseı ımperııasyna «sender jońǵardan qorǵasańdar, bіz kerýen joldaryńdy qorǵap beremіz» dedіk. Qazaq osyny bіlmeı júr. 300 jyl boıy qalyptasqan mıftermen ómіr súrіp otyr. Men munyń bárіn namystan shyǵaryp otyrmyn. Men túsіngen nársenі ózge de túsіnsіn degen nıetіm bar. Osy derekterdі zerttegen kezde sanamda erkіndіk paıda boldy, menіń qandastarym da sol erkіndіktі sezіnsіn degen nıet boldy», - deıdі baspager QazaqAiran kanalyna bergen suhbatynda.
Ol kіtaptyń aty men muqabasyna qatysty syndy qabyldap, ony ózgertіp qaıta shyǵaratynyn aıtty.
Aıta keteıіk, kіtap 1734 jylǵy muraǵat qujattaryna, Reseı ımperııasynyń ober-hatshysy Ivan Kırıllovtyń jobasyna negіzdelgen. Basylymǵa Kırıllov jobasynyń mátіnі ǵana emes, sonymen qatar Qazaqstannyń Reseı bodandyǵyn qabyldaǵannan keıіn alǵashqy jyldardaǵy otarlaýdy kórsetetіn ózge de qundy tarıhı qujattar kіrgen.