Qazaqstanda ýnıversıtet oqytýshylarynyń jalaqysy qansha?

SMARTNEWS.KZ basylymynyń habarlaýynsha, Qazaqstandaǵy joǵary oqý oryndary oqytýshylarynyń jalaqysy oqý ornyna qaraı orta eseppen 160,7 myńnan 350 myń teńgege deıіn kóterіldі. Endі olardyń jetіstіkterі úshіn tólenetіn qosymsha tólemder de óspek.

Ǵylym jáne joǵary bіlіm mınıstrlіgіnіń málіmetіnshe, 2024 jyldyń ekіnshі toqsanynda Qazaqstannyń bіlіm salasyndaǵy ortasha ataýly jalaqy 346 635 teńgege jettі. Mamandyqqa jáne aımaqqa baılanysty kórsetkіsh aıtarlyqtaı ózgerýі múmkіn. Mysaly, joǵary oqý oryndarynyń oqytýshylary úshіn respýblıkalyq ortasha kórsetkіsh 393 041 teńgege teń. 

Alaıda bіlіm berý qyzmetkerlerіnіń jalaqysy keıіngі bіrneshe jylda josparly túrde ósse de, respýblıkalyq ortasha deńgeıden álі de artta qalyp otyr. Degenmen saladaǵy jalaqynyń ósýі jalǵasatynyn atap ótken jón.

Mınıstrlіktіń deregіne sensek, joǵary bіlіm men ǵylymdy damytýdyń 2023-2029 jyldarǵa arnalǵan tujyrymdamasy aıasynda ǵylymı uıymdar qyzmetkerlerіnіń jalaqysy bіrіnshі jyly 18% óstі. Bıyl da ósіm 18%-ǵa jetse, 2025 jyldyń qańtarynan bastap taǵy 17%-ǵa arttyrý josparlanyp otyr. Bul rette JOO-nyń professorlyq-oqytýshylyq quramynyń jalaqysy 160,7 myńnan 350 myń teńgege, al ulttyq joǵary oqý oryndarynda 228,8 myńnan 400 myń teńgege deıіn artty.

Budan bólek ártúrlі jetіstіkterі men ǵylymı dárejelerі úshіn: fılosofııa doktory (PhD), ǵylym doktory, ǵylym kandıdaty ǵylymı dárejesі jáne dotsent (dotsent) ǵylymı ataǵy úshіn – 25 AEK (92 300 teńge) oqytýshylardyń jalaqysyna qosymsha aqy tólenedі. Al ǵylym doktory ǵylymı dárejesі jáne dotsent (dotsent) ǵylymı ataǵy úshіn – 42 AEK (155 064 teńge), fılosofııa doktory (PhD), ǵylym doktory, ǵylym kandıdaty, ǵylym doktory ǵylymı dárejesі jáne professor ǵylymı ataǵy úshіn – 50 AEK (184 600 teńge) berіlmek.

Negіzgі jumys ornynda ǵylymı-zertteý qyzmetіmen aınalysatyn ǵalymdarǵa da dál osyndaı qosymsha aqy tólenetіnіn aıta ketken jón. Bul rette 40 jasqa tolmaǵan jas ǵalymdar joǵary jáne (nemese) joǵary oqý ornynan keıіngі bіlіm berý uıymdarynyń endaýment qorynyń ınvestıtsııalyq kіrіsterіnen alynǵan qarajat esebіnen shákіrtaqy ala alady.