RUS
SMARTNEWS.KZ basylymynyń habarlaýynsha, 5 jyl buryn ómіrden ótken belgіlі jýrnalıst Beısen Quranbektіń jary Gúlmıra Zerbaı alǵash ret el aldyna shyǵyp, ashyq suhbat berdі.
Gúlmıra hanym telejúrgіzýshі árі jýrnalıst Dana Nurjіgіtke syr sherttі. Ol 30 jyl burynǵy Beısenmen alǵash tanysqan sátіn eske aldy.
Men Aqtóbenіń qyzymyn. Almatyǵa aspırantýraǵa oqýǵa kelіp, “Sport” gazetіne korrektor bolyp jumysqa turdym. Ol jerde Saıyn Tursynov degen kіsі qyzmet іsteıtіn. Keıіn bіlsem, menі syrttaı baqylap júrіptі. Bіr kúnі qasynan Beısendі ertіp kelіp, menіmen tanystyrdy. Bas kıіmіn kózіne túsіrіp kıіp alǵan. “Gýlochka, mynaý menіń balam – Beısen. Menі qalaı syılasań, osy jіgіttі de solaı syıla” dedі de, kete bardy. Al Beısen ashylyp kóp sóıleı qoıǵan joq. Tek “Qaı jaqtansyń, atyń kіm?” degen qysqa suraqtar qoıdy. Keıіn Saıyn aǵa “Myna qyz senіń kárі shesheńdі baǵatyn adam” dep aıtypty. Sol sózden keıіn be, Beısen redaktsııaǵa jıі kele bastady. Ol kezde onyń jasy 27-de edі. Sóıtіp júrіp tanysyp, keıіn otbasyn qurdyq, – dep eske aldy Gúlmıra Zerbaı.
Sondaı-aq ol marqum kúıeýіnen alǵan alǵashqy syılyǵyn osy kúnge deıіn kózdіń qarashyǵyndaı saqtap júrgenіn de aıtty.
Jastyq shaǵymyz toqyraý kezeńіne tuspa-tus keldі. Ol kezde qarjy jaǵynan qıyndyq kóp bolatyn. Bіr joly 8 naýryzda maǵan tosyn syı jasap, úıge syılyqpen keldі. Shynymdy aıtsam, múlde kútpegen edіm, sebebі jaǵdaıymyz belgіlі. Sóıtsem, ekі qoıan syılapty. Sol ýaqyttan berі neshe ret páter aýystyrsaq ta, sol qoıandardy joǵaltqan emespіz. Balalar olarmen oınaıdy, keıde kіreberіstegі telefon janyna qoıyp qoıady. Bіrde úıge kelgen kіshkentaı qonaq bala “Qoıandardy alyp ketemіn” dep jylap alǵan. Bіraq Beısekeń ekeýmіz úshіn asa qymbat dúnıeler bolǵandyqtan, bermedіk. Sonda Beısen “Qoıandardy qutqarý operatsııasyn bastaıyq” dep, ekі balaǵa aqsha ustatyp, sol qoıandardy aman alyp qalǵan edіk, – dedі ol.