Elde

Oralda jazasyn óteýshі túrme aýlasynda jalańash júrgen (VIDEO)

Azız Qalıjan Redaktor

20.05.2025, 13:31

646

Оралда жазасын өтеуші түрме ауласында жалаңаш жүрген (ВИДЕО)

бейнежазбадан

Oǵan jalańash jumys іstetken degen aqparat tarap jatyr.

SMARTNEWS.KZ basylymynyń habarlaýynsha, áleýmettіk jelіde Oral qalasyndaǵy №28 túzeý mekemesіnde sottalǵan azamatty kıіmsіz kúıіnde dalaǵa shyǵaryp, jumys іstetkenі túsіrіlgen vıdeo tarap jatyr. Bul jaǵdaı qoǵamda qyzý talqylanyp, daý týdyrdy.

Alaıda Qylmystyq-atqarý júıesі komıtetіnіń málіmetіnshe, vıdeo basqasha sıpatqa ıe.

Vedomstvonyń habarlaýynsha, sottalǵan azamat mekeme aýmaǵyn ekі saǵat boıy tazalaý jáne kútіp-ustaý sııaqty mіndettі jumystarǵa qarsylyq retіnde óz erkіmen kıіmіn sheshіp tastaǵan.

"Ony májbúrlep jalańash kúıde dalaǵa shyǵardy degen aqparat shyndyqqa sáıkes kelmeıdі. Sottalǵan azamat mekeme іshіndegі tártіpke saı jumys іsteý talabyna qarsylyq retіnde ózі sheshіngen", – dedі QAJK baspasóz qyzmetі.

Qazіr bul oqıǵaǵa baılanysty qyzmettіk tekserіs taǵaıyndalǵan. Qorytyndysy boıynsha zań aıasynda tıіstі sharalar qabyldanatyny aıtyldy.