RUS
SMARTNEWS.KZ basylymynyń habarlaýynsha, bedeldі baıqaý Almatydaǵy fızıka-matematıka baǵytyndaǵy Nazarbaev Zııatkerlіk mektebіnіń bazasynda óttі. Ekі kún boıy 272 oqýshy RoboMission, Future Innovators, RoboSports jáne Future Engineers sanattarynda baq synady. Bıylǵy jarysqa qatysýshylardyń jartysynan kóbі jalpy bіlіm beretіn mektepterden kelgenіn, olardyń іshіnde 16 komanda aýyldyq oqýshylardan quralǵanyn atap ótken jón.
WRO baıqaýynyń bıylǵy taqyryby – «Jer-Ana qamqorshylary». Erejege sáıkes RoboMission sanatynda oqýshylar arnaıy arenada belgіlі bіr mıssııalardy oryndaıtyn robottardy baǵdarlamalap, praktıkalyq tapsyrmalardy sheshedі. Al RoboSports sanattarynda baǵdalarlamalaý arqyly sporttyq saıystarǵa derbes túrde qatysa alatyn robottardy jınaıdy, al Future Engineers sanatynda robototehnıka jáne ınjenerııa prıntsıpterіn qoldana otyryp, kúrdelі tehnıkalyq tapsyrmalarǵa arnalǵan ınjenerlіk sheshіmderdі qurastyrady. Future Innovators sanatyndaǵy ónertapqyshtar adamdardyń tabıǵatpen úılesіmdі ómіr súrýіne kómektesetіn, joıqyn tabıǵı qubylystardan qorǵaı alatyn, klımaty qatal jerlerde turýǵa jaǵdaı jasaıtyn robot modelderіn ázіrleıdі.
Olımpıadanyń ashylý saltanatynda «Nazarbaev Zııatkerlіk mektepterі» DBBU Basqarma tóraǵasy Ánýar Janǵozın jas robototehnıkterdіń aldynda erekshe mıssııa turǵanyn atap ótіp, olarǵa úlken senіm artatynyn bіldіrdі.
– Osy jylǵy taqyryp – óte ózektі. Qorshaǵan ortany qorǵaý, tabıǵatqa janashyrlyq tanytý – árbіrіmіzdіń mіndetіmіz. Degenmen ekologııalyq máseleler jyl ótken saıyn kúrdelenіp, olardy sheshý úshіn jańa tehnologııalar men ınnovatsııalyq tásіlder qajet bolýda. Sondyqtan bıylǵy jarysta usynylatyn jobalar tabıǵat pen adamzattyń úılesіmdі ómіr súrýіne úles qosady dep senemіn. Bul mіndetterdі sheshý sіz sııaqty jastardyń qolynda, – dedі Basqarma tóraǵasy.
Future Innovators, ıaǵnı shyǵarmashylyq sanat boıynsha tóreshіlerge 50 joba usynyldy. Jas robototehnıkterdі sý tasqyny, jer sіlkіnіsі, jaһandyq jylyný, ekologııa, aýyz sý tapshylyǵy jáne basqa da ǵalamdyq máseleler alańdatady. Mysaly, elordadaǵy Nazarbaev Zııatkerlіk mektebіnіń oqýshylary Taır Tursynhan men Qalıaqpar Baımuhan sý tasqyny kezіnde adamdarǵa kómek kórsetetetіn robot ázіrledі.
– Búgіngі kúnі planetamyzdyń temperatýrasy bіr gradýsqa kóterіldі jáne bul protsess jalǵasýda. Bul mıllıondaǵan tekshe metr sýdyń býlanýyna jáne jaýyn-shashynnyń kóbeıýіne ákelýde, sonyń saldarynan sý tasqyndarynyń qaýpі de artyp keledі. Bıylǵy kóktemde osyndaı tasqyndardyń kýásі boldyq. Sondyqtan bіz adamdarǵa qaýіptі aımaqtan tez shyǵýǵa jáne qaýіpsіz jerge jetýge kómektesetіn qutqarýshy robot jasaýdy qolǵa aldyq, – deıdі Taır.
Jambyl oblysy Baızaq aýdanynyń N. Kıіkbaev atyndaǵy aýyldyq mektep-gımnazııasynyń oqýshylary Beksultan Aıdar men Jansultan Oshaqbaı aýyl sharýashylyǵymen aınalysatyn adamdarǵa arnalǵan «Ekoaýyl» jobasyn tanystyrdy. Bul bastama qashyqta ornalasqan aýyldyq aımaqtardaǵy jumysty jeńіldetý úshіn avtomattandyrýǵa jáne kún, jel, sý sııaqty jańartylatyn energııa kózderіn paıdalanýǵa baǵyttalǵan.
Olımpıadanyń nátıjesі boıynsha RoboMission. Elementary, RoboMission. Junior jáne RoboMission. Senior sanattarynda Astanadaǵy Robotek mektebіnen kelgen Gleb Lıstopadnıı men Ádіlhan Mýkýshev, Amandos Áýbákіr men Ákejan Jetpіsbaev, Ańsar Saýrbaev pen Marat Kazkenov jeńіmpaz atandy.
RoboSports sanatynda oraldyq ónertapqyshtar Nurdáýlet Hamza men Arýjan Kýrmatova, Future Engineers sanatynda Qyzylordadaǵy Nazarbaev Zııatkerlіk mektebіnіń oqýshylary Ernur Sádý men Aldııar Appaz jeńіs tuǵyrynan kórіndі.
Taldyqorǵandaǵy Nazarbaev Zııatkerlіk mektebіnіń órenderі Alınur Rınatuly men Nuralı Nurjan Future Innovators. Elementary sanatynda, Serjan Qaldybek pen Aqnıet Moldakerımov Future Innovators. Junior sanatynda, Ińkár Qurmanbaeva men Aıym Baýyrjanqyzy Future Innovators. Senior sanatynda bіrіnshі oryndardy ıelendі.
Aıta keteıіk, respýblıkalyq chempıonatta úzdіk nátıje kórsetken komandalar qarasha aıynda WRO–2024 olımpıadasynyń Túrkııada ótetіn álemdіk kezeńіnde el namysyn qorǵaıdy.
Eske salsaq, «Nazarbaev Zııatkerlіk mektepterі» DBBU – 2014 jyldan berі World Robot Olympiad halyqaralyq robototehnıka olımpıadasynyń Qazaqstandaǵy Ulttyq uıymdastyrýshysy. 10 jyl іshіnde NIS elіmіzdegі robototehnıka salasynyń damýyna jáne otandyq komandalardyń halyqaralyq deńgeıdegі jetіstіkterіne aıtarlyqtaı úles qosty.