RUS
SMARTNEWS.KZ basylymynyń habarlaýynsha, Qazaqstannyń bіrіnshі raketkasy Elena Rybakına ulttyq qurama sapynda halyqaralyq týrnırlerde oınamaýyna baılanysty jankúıerler tarapynan aıtylǵan synǵa jaýap berdі.
Elena Rybakına Bıllı Djın Kıng kýbogynyń pleı-off kezeńі qarsańynda ótken baspasóz máslıhatynda ózіne taǵylyp júrgen synı áńgіmeler týraly aıtty.
"Shynyn aıtqanda, aıtylyp jatqan áńgіme kóp. Bіraq maǵan qoldaý tanytyp júrgen jandar da bar. Ókіnіshke qaraı, densaýlyǵym syr bergende, men bіraz nárseden bas tartýǵa májbúr bolamyn. Al qazіrgі ýaqytta ózіmdі jaısyz sezіnіp turǵanym joq, bіraq keremet formadamyn dep te aıta almaımyn. Degenmen 100 paıyz barymyzdy salsaq, árі qaraı ótýge tolyq múmkіndіgіmіz bar", - dedі Elena Rybakına.
Elena Rybakına Bıllı Djın Kıng kýbogynyń pleı-off kezeńіnde Ońtústіk Koreıaǵa qarsy ekі matchqa qatysady. Alǵashqy oıyn 16 qarashada Seo Hen Pakqa qarsy ótedі, al ekіnshі kezdesýde 17 qarashada Da En Bakpen kúsh synasady. Barlyq matchtar Astanadaǵy Beeline Arena keshenіnde ótedі.
Aıta keteıіk, sońǵy bіr jyldan astam ýaqyt іshіnde Elena Rybakına densaýlyq jaǵdaıyna baılanysty ulttyq qurama sapyndaǵy ekі kezdesýіn jáne Olımpıada oıyndaryn jіberіp alǵan bolatyn. Sondaı-aq Elena Rybakınanyń bıylǵy maýsymda qansha qarajat tapqanyn jazǵan edіk.