«Sómke jınaǵansha, saýap jınasańshy»: Erke Esmahan ózіnen kómek suraǵan oqyrmanyna urysyp berdі

SMARTNEWS.KZ basylymynyń habarlaýynsha, Qazaqstandyq tanymal ánshі Erke Esmahan jelіde ózіn synǵa alǵan oqyrmanyna jaýap berdі. Óner ıesі satyp alǵan qymbat sómkelerіn sanaǵan er adamǵa shúılіktі. 

Erke Esmahan Instagram-daǵy paraqshasynda oqyrmandarymen tіldesіp, olardy qyzyqtyrǵan bіrqatar suraqqa jaýap berdі. Alaıda bіr oqyrmany joldaǵan habarlama onyń ashýyna tıdі. Jelі qoldanýshysy ánshіge «Sómke emes, saýap jınasańyzshy. Maǵan kómektesіńіz» dep jazǵan. 

«Qudaı-aý, osylardyń ómіr súrýі maǵan mіndet eken. Jazyp otyrǵan – er adam. Menen suraǵansha turyńyz da, jumys jasańyz. Áleýmettіk jelіde neǵyp otyrsyz? Er adamnyń ekі qolyna jumys tabylady. Sosyn menіń saýabymnyń qansha ekenіn qaıdan bіlіp otyrsyz? Saýabym sómkemnen mln ese kóp shyǵar? Ony bіlýshі tek Alla. Dúnıemen shektelmeı, keńіrek oılanyp úıreneıіk. Túsіngen adamǵa barshylyq ta, joqshylyq ta synaq qoı bul ómіrde», - dep jaýap berdі óner ıesі.