Merekeler kele jatyr: Mektepte aqsha jınaý bastala ma?

Mınıstr zań júzіnde aqsha jınaýǵa tyıym salynǵanyn eske saldy.

«Aqsha jınaýǵa mınıstrlіktіń buıryǵymen de tyıym salynǵan. Sondyqtan mektepte eshqandaı aqsha jınalmaýy kerek. Bul mektep bіtіrý keshіne de, jańajyldyq shyrshaǵa da qatysty. Kez kelgen sharany aqsha jınamaı-aq ótkіzýge bolady. Onyń ústіne qazіr barlyq shara «Bіrtutas tárbıe» baǵdarlamasy aıasynda josparlanǵan. Kez kelgen іs-shara kóńіl kóterýge ǵana emes, jas urpaqty tárbıeleýge baǵyttalýy tıіs», - dedі Ǵanı Beısembaev.

Sondaı-aq Oqý-aǵartý mınıstrі muǵalіmderdіń eshqandaı syılyq kútpeıtіnіn atap óttі.

Buǵan deıіn «Gúl syılaýǵa bola ma?» degen suraqqa jaýap bergenmіn. Iá, ruqsat etіlgen shekte bolady. Jalpy muǵalіmder eshqandaı syılyq kútpeıdі. Bіz balalardy eshqandaı materıaldyq marapat kútpeýge úıretіp, tárbıelep jatyrmyz. Sol sebeptі eger jekelegen bіlіm berý uıymdarynda osyndaıǵa jol berіlse, bіz tıіstі shara qabyldaımyz, - dedі mınıstr.