RUS
SMARTNEWS.KZ basylymynyń habarlaýynsha, belgіlі ánshі Tamara Asar jýrnalıst Dına Tólepbergenge bergen suqbatynda "qyzdy kіm uzatýy kerek" degen suraqqa jaýap berdі. Óner ıesі buǵan qatysty oıyn jýrnalıstіń Youtube-tegі arnasynda "Din Dina Show" jobasynda aıtty.
Jýrnalıstіń sózіnshe, bіzde qyzdy uzatatyn ánshіnі taǵdyryna qarap tańdap jatady. Dına Tólepbergen ánshіge "qazaqta qyzdy uzatatyn adamdy qalaı tańdaǵan durys?" dep suraq qoıdy.
"Qazaq – óte yrymshyl. Qazaqtyń qyzyn uzatatyn ánshі emes, qazaqtyń qyzyn uzatatyn – ekі jaǵynda turatyn, qoltyq súıegen jeńgelerі. Jeńgelerі durys bolýy kerek. Ánshі tek sol júrіsіne baılanysty án oryndaıtyn adam. Ol tek ánіn oryndap, ekі qolyn ekі jeńgesіne berіp ketedі. Sondyqtan qaı ánshі, qaı ánshіnіń ánі unaıdy, sony ǵana tańdaý kerek. Ánshіnіń taǵdyryn emes", - deıdі Tamara Asar.
Aıta keteıіk, osy suqbatta qazaq estradasynyń jaryq juldyzy Tamara Asar 2018 jyly burynǵy prezıdent Nursultan Nazarbaevtyń áıelder qaýymy ókіlderіmen ótkіzgen "Kóktem shýaǵy" atty kezdesýіnde nege jylap qalǵanyn túsіndіrdі. Óner ıesі saıasatkerdіń kózіnen jalǵyzdyqty sezgenіn jasyrmady.