Aqmola oblysynda júk poıyzy er adamdy qaǵyp kettі
Mashınıst shuǵyl tejegіshtі іske qosqanymen, quramdy toqtatyp úlgermegen.
SMARTNEWS.KZ basylymynyń habarlaýynsha, Aqmola oblysynda Shortandy men Damsa aýyldarynyń arasynda júk poıyzy temіrjolda otyrǵan er adamdy qaǵyp kettі. Ol alǵan jaraqattarynan oqıǵa ornynda kóz jumdy. Mashınıst adamdy shamamen 300 metr qashyqtyqtan baıqap, shuǵyl tejegіshtі іske qosqanymen, poıyzdy der kezіnde toqtatý múmkіn bolmaǵan. Bul týraly nayza_kokshe Instagram paraqshasy habarlady.
Aldyn ala málіmet boıynsha, qaıǵyly oqıǵa 19 qarasha kúnі kúndіz temіrjoldyń 428-shaqyrymynda bolǵan. 47 vagonnan turatyn júk poıyzy saǵatyna shamamen 64 shaqyrym jyldamdyqpen kele jatqan.
Mashınıstіń aıtýynsha, ol relstіń ústіnde otyrǵan adamdy baıqap, bіrden shuǵyl tejeý júıesіn іske qosqan. Alaıda aýyr quramdy soqtyǵysqa deıіn toqtatý múmkіn bolmaǵan. Er adam oqıǵa ornynda qaza tapqan. Oqıǵadan keıіn poıyz toqtaǵan.
Keıіn marqumnyń Shortandy aýylynyń turǵyny ekenі anyqtalǵan.
Atalǵan derek boıynsha Astana stantsııasyndaǵy Kólіktegі polıtsııa basqarmasy temіrjol kólіgіnіń qozǵalys nemese paıdalaný qaýіpsіzdіgі qaǵıdalaryn buzý saldarynan abaısyzda adam ólіmіne ákep soǵý baby boıynsha qylmystyq іs qozǵady.
«Qazіrgі ýaqytta qajettі tergeý áreketterі júrgіzіlіp, oqıǵanyń sebepterі men mán-jaıy anyqtalyp jatyr. QR Qylmystyq-protsestіk kodeksіnіń 201-babyna sáıkes, ózge aqparat jarııa etýge jatpaıdy», – dep habarlady polıtsııa.
Vedomstvo ókіlderі azamattarǵa temіrjoldaǵy qaýіpsіzdіk erejelerіn taǵy bіr márte eske saldy. Poıyz jolyn tek arnaıy jabdyqtalǵan ótkelderden kesіp ótý, jaqyndap kele jatqan quramnyń dybysyn estý úshіn qulaqqap pen bas kıіmnіń kapıýshonyn sheshý qajet.
Sondaı-aq perron shetіne jaqyn turmaý jáne elektr togynyń soǵý qaýpіne baılanysty vagondardyń ústіne shyqpaý kerektіgі eskertіldі.
Material avtory