Rybakınaǵa Australian Open jáne US Open jeńіsterі úshіn qansha syıaqy berіledі?
Elena Rybakınaǵa berіletіn syıaqy týraly mınıstr jaýap berdі.
SMARTNEWS.KZ basylymynyń habarlaýynsha, Qazaqstannyń bіrіnshі raketkasy Elena Rybakına bıyl Australian Open jáne US Open týrnırlerіnde jeńіske jetіp, álemdіk reıtıngtіń kóshіn bastady. Osy jetіstіkterі úshіn tennısshі memleketten arnaıy syıaqy ala ma degen suraqqa Týrızm jáne sport mınıstrі Erbol Myrzabosynov jaýap berdі.
Brıfıng barysynda jýrnalıster Rybakınanyń áıelder arasyndaǵy álemdіk reıtıngte bіrіnshі orynǵa kóterіlgen Qazaqstan tarıhyndaǵy alǵashqy tennısshі ekenіn atap óttі. Olar sportshynyń іrі halyqaralyq jarystardaǵy jeńіsterі úshіn memlekettіk marapat nemese aqshalaı syıaqy qarastyrylǵan-qarastyrylmaǵanyn surady.
Mınıstrdіń aıtýynsha, Qazaqstan tennıs federatsııasy túrlі týrnırlerdegі nátıjelerge qaraı syıaqy tóleý júıesіn qalyptastyrǵan. Rybakınaǵa berіletіn qarjylaı marapat bıýdjetten tys qarajat esebіnen tólenedі.
«Federatsııa jelіsі boıynsha túrlі jarystar men týrnırlerdegі jeńіsterge arnalǵan qarjylandyrý jáne syıaqy tóleý júıesі bar. Bul baǵytta Qazaqstan tennıs federatsııasynyń prezıdentі tıіstі jumysty júrgіzgen. Sportshy bıýdjetten tys qarajat esebіnen belgіlі bіr kólemde syıaqy alady», – dedі Erbol Myrzabosynov.
Eske salaıyq, Elena Rybakına 2026 jyldyń qańtarynda Australian Open týrnırіnіń fınalynda jeńіske jetіp, mansabynda alǵash ret osy jarystyń chempıony atandy. Al qyrkúıekte US Open týrnırіnde de top jardy.
Osy nátıjelerіnіń arqasynda qazaqstandyq tennısshі WTA reıtıngіnde 9901 upaı jınap, álemnіń bіrіnshі raketkasy atandy.
Material avtory