RUS
Densaýlyq saqtaý mınıstrі Ajar Ǵınııat ótken jyldyń qarasha aıynda aýyldaǵy medıtsınalyq kómektіń sapasyn arttyrý maqsatynda "Aýyldyq densaýlyq saqtaýdy jańǵyrtý" ulttyq jobasy bekіtіlgenіn baıandady. Onyń aıasynda óńіrlerde 655 alǵashqy medıtsınalyq-sanıtarlyq kómek nysanyn, onyń іshіnde 253 medıtsınalyq pýnkt, 242 feldsherlіk-akýsherlіk pýnkt jáne 160 dárіgerlіk ambýlatorııa salý kózdelіp otyr.
Budan basqa 32 kópbeıіndі ortalyq aýdandyq aýrýhanany (2024 jyly – 7, 2025 jyly – 25) jańǵyrtý josparlanyp otyr. Onda ınsýlt ortalyqtary, kardıologııa, jan saqtaý jáne ońaltý bólіmshelerі ashylyp, olar KT, MRT, ÝDZ, ÓJJ apparattarymen jaraqtandyrylmaq. Sonymen qatar aýyldyq densaýlyq saqtaý obektіlerі úshіn 1 100 medıtsına qyzmetkerіn daıarlaý júzege asyrylatyn bolady.
Júrgіzіlіp jatqan jumystar týraly Abaı oblysynyń ákіmі Nurlan Uranhaev, Qaraǵandy oblysynyń ákіmі Ermaǵanbet Bólekpaev jáne Ulytaý oblysy ákіmіnіń orynbasary Ulantaı Úsenov baıandama jasady.
Premer-mınıstr bıyl qurylysy bastalatyn medıtsınalyq nysandardyń barlyǵyna derlіk jer bólіngenіn atap óttі. Tek Ulytaý oblysynda ǵana atalǵan jumystar jalǵasýda.
"Ákіmdіk jer ýchaskesіn bólý jumystaryn bіr apta іshіnde aıaqtaýy tıіs", — dedі Álıhan Smaıylov.
Sonymen qatar Úkіmet basshysy 1 sáýіrge qaraı alǵashqy kómek kórsetý obektіlerіn salý boıynsha jobalaý-smetalyq qujattamany ázіrleýdі aıaqtaý, 1 mamyrǵa deıіn kópbeıіndі aýdandyq aýrýhanalardy kúrdelі jóndeý jáne qaıta jańartý úshіn qujattamany ázіrleý qajettіgіn aıtty. Qurylys maýsymy bastalǵannan keıіn barlyq óńіr jobalardy іske asyrýǵa kіrіsýі kerek.
Oǵan qosa Premer-mınıstr josparlanǵan sharalardy ýaqytyly іske asyrý úshіn qurylys ýchaskelerіne deıіn ınjenerlіk kommýnıkatsııalar men joldardy jedel júrgіzý, merdіgerlermen sharttar jasasý kerektіgіn aıtty.
Álıhan Smaıylovtyń aıtýynsha, jańa medıtsınalyq nysandardy kadrlarmen qamtamasyz etýdі aldyn ala qarastyryp, olarǵa áleýmettіk qoldaý sharalarynyń tolyq paketіn usyný qajet.
"Taǵy da atap ótemіn, Ulttyq jobany іske asyrýdyń árbіr kezeńіn jobalyq basqarý júıesі sheńberіnde turaqty baqylaýǵa alamyz", — dedі Úkіmet basshysy.
Sonymen qatar keńeste elіmіzde óndіrіlgen dárі-dármekterdіń іshkі naryqtaǵy úlesіn 50%-ǵa deıіn jetkіzý jónіndegі sharalar qaraldy. Densaýlyq saqtaý mınıstrі Ajar Ǵınııattyń aıtýynsha, bul kórsetkіshke qol jetkіzý úshіn respýblıkanyń farmatsevtıkalyq jáne medıtsınalyq ónerkásіbіn damytý, ǵylymı jáne kadrlyq áleýettі arttyrý, normatıvtіk-quqyqtyq bazany jetіldіrý jáne jalpy farmatsevtıkalyq sektordy tsıfrlandyrý boıynsha sharalar qabyldanyp jatyr.
Osy oraıda bіrlesken kásіporyndar ashý jáne álemdіk farmatsevtıkalyq ındýstrııanyń jetekshі kompanııalarynyń óndіrіsterіn lokalızatsııalaý boıynsha belsendі túrde jumys júrgіzіlýde. Olardyń qatarynda Hoffmann-La Roche (Shveıtsarııa), Pfizer (AQSh), Novo Nordisk (Danııa), Takeda (Japonııa), SK Plasma (Ońtústіk Koreıa) jáne t.b. bar.
Keńeste Farmatsevtıkalyq qyzmettі qoldaý jáne damytý qaýymdastyǵynyń basshysy Marına Dýrmanova óz usynystaryn aıtty. Ol medıtsınalyq ónіmderdі jetkіzýshіler men bіryńǵaı memlekettіk satyp alýshy arasyndaǵy uzaq merzіmdі sharttardy uzartý, baǵa belgіleý, salyq salý, tańbalaý, arnaıy ekonomıkalyq aımaqtar men farmatsevtıkalyq klasterler qurý, otandyq preparattar men medıtsınalyq buıymdardy tіrkeý rásіmderіn jeńіldetý, kredıttіk resýrstarǵa qoljetіmdіlіktі keńeıtý, eksportty qoldaý jáne t.b. máselelerdі qozǵady.
Álıhan Smaıylov Densaýlyq saqtaý mınıstrlіgіne aıtylǵan usynystardy taldap, olardy Elіmіzde óndіrіlgen dárі-dármekterdіń іshkі naryqtaǵy úlesіn 50%-ǵa jetkіzý boıynsha jol kartasynda eskerýdі tapsyrdy.
Talqylaýdy qorytyndylaı kele, Úkіmet basshysy sońǵy bіrneshe jylda Qazaqstannyń farmatsevtıka salasy turaqty ósіm kórsetіp otyrǵanyn atap óttі: shyǵarylatyn preparattardyń assortımentі keńeıіp, kólemі ulǵaıýda. Alaıda olardyń іshkі naryqtaǵy úlesі baıaý ósýde, qazіrgі kórsetkіsh – 28%.
"IAǵnı, bіz dárі-dármek óndіrіsіn jyl saıyn turaqty túrde ósіrýіmіz qajet. Osyǵan baılanysty farmatsevtıkalyq kásіporyndardyń barlyǵyna revızııa júrgіzý kerek. Bіz olardyń damý áleýetіn jáne qýatyn arttyrý múmkіndіkterіn naqty bіlýіmіz kerek", — dedі Premer-mınıstr.
Sonymen qatar Smaıylov ómіrlіk mańyzy bar dárіlіk zattar men medıtsınalyq buıymdar boıynsha uzaq merzіmdі sharttar jasasýdyń mańyzyn atap óttі.
"Onkologııalyq jáne júrek-qan tamyrlary aýrýlaryn emdeýge arnalǵan preparattarǵa erekshe nazar aýdarý kerek. Ol úshіn aldaǵy jyldarǵa qajettіlіktі eskere otyryp, osyndaı dárіlіk zattardyń tіzbesі bekіtіlýі tıіs", — dedі Úkіmet basshysy.
Premer-mınıstr qaralǵan sharalardyń barlyǵy 2029 jylǵa deıіn tıіstі Jol kartasynda kórsetіlіp, ony bіr aı merzіmde bekіtý kerek dep túıіndedі.