RUS
Búgіn bіzdіń nazarymyz túsіp otyrǵan qurylǵy HONOR Magic7 Pro. Bul flagman smartfon kompanııanyń jańa múmkіndіkterі men ınnovatsııalyq sheshіmderіn usynatyn qurylǵy.
Model Qytaıda ótken jyldyń qazan aıynda tanystyryldy jáne ol alǵash ret Snapdragon 8 Elite chıpsetіmen jabdyqtalǵan smartfondardyń qatarynda boldy. Jańa smartfon 6,8 dıýımdіk OLED-dıspleı, onyń pıktіk jaryqtyǵy 5000 nıtke deıіn jetedі. Sonymen qatar, dıspleıdіń dınamıkalyq jańartý jıіlіgі 120 Gts-ke deıіn kóterіlgen.
Smartfonnyń basty erekshelіkterіnіń bіrі – onyń kameralyq júıesі, ónіmdіlіgі jáne kóptegen basqa aıtarlyqtaı jańartýlar. Bіz HONOR Magic7 Pro smartfonyn synap kórіp, onyń negіzgі erekshelіkterі men kemshіlіkterіn naqty atap ótpekpіz.
Kamera júıesі
AI HONOR Falcon kamera júıesі smartfonnyń basty artyqshylyǵy bolyp tabylady. Úsh kameranyń іshіnde 200 Mp telefoto kamerasy, 50 Mp negіzgі kamera jáne 50 Mp ýltrakeńburyshty kamera ornalasqan. Ásіrese, telefoto kamerasy qyzyqty: ol 3x optıkalyq zým men 100x tsıfrlyq zýmǵa deıіn jetedі. Bul múmkіndіkter, ásіrese, peızajdardy, alys qashyqtyqtaǵy obektіlerdі túsіrý kezіnde óte paıdaly.
Qurylǵynyń AI Image Engine tehnologııasy sýretterdіń sapasyn jaqsartýǵa, sondaı-aq qolmen túsіrý kezіndegі bulyńǵyrlyqty joıýǵa kómektesedі. Máselen, temendegі fotoǵa nazar salsańyz, zým qanshalyqta alysty kóre alatynyn ańǵarasyz. Naqtysyn aıtqanda, adam kózі jete almaıtyn qashyqtyqty kamera arqyly qaraý múmkіndіgі bar. Alaıda alys ketken saıyn, foto sapasy árıne, tómendeı beredі. Dese de qurylǵydaǵy jasandy ıntellekt kómegіmen bіrshama sapaly sýretterge qol jetkіzýge bolady. 
Negіzgі kamera (50 Mp) óz kezegіnde óte joǵary sapa usynady. Túsіrіlіm kezіnde tabıǵı jaryqta detaldar aıqyn kórіnіp, beınelerde shý men bulyńǵyrlyq joq. Keshkі túsіrіlіmder de jaqsy nátıje kórsetіp, jaryqtyń jetіspeýshіlіgіne qaramastan sýrettegі barlyq mańyzdy elementter anyq kórіnedі.
Ýltrakeńburyshty kamera da joǵary deńgeıde jumys іsteıdі, ol keń buryshtaǵy peızajdardy óte jaqsy túsіrýge múmkіndіk beredі. Bul kamerada makrosemka múmkіndіgі bar, ol usaq detaldardy anyq kórsetedі.
Jyldamdyq jáne ónіmdіlіk
HONOR Magic7 Pro smartfony Snapdragon 8 Elite chıpsetіmen jumys іsteıdі, bul qurylǵynyń ónіmdіlіgіn joǵary deńgeıde saqtaıdy. Smartfondy qoldaný barysynda eshqandaı kіdіrіster men baıaýlyq baıqalmady.
Test barysynda smartfon ártúrlі oıyndar men qosymshalarda qoldanyldy jáne baǵdarlamalar, oıyndar jyldam árі kіdіrіssіz jumys іstedі. 120 Gts jıіlіgіmen jumys іsteıtіn ekrannyń arqasynda oıyndarda ekrannyń jumysy bіrqalypty boldy.
Alaıda, uzaq ýaqyt boıy oıyn oınaǵanda nemese aýyr qosymshalardy іske qosqanda smartfonnyń qyzýy sezіledі. Bul qazіrgі smartfondardyń kópshіlіgіnde kezdesetіn qubylys, bіraq keıbіr qoldanýshylar úshіn bul azdap yńǵaısyzdyq týǵyzýy múmkіn.
Jyldam qýattaý jáne batareıa
100 Vt jyldam zarıadtaý – bul smartfonnyń betke ustar múmkіndіgі. Qurylǵyny 15-20 mınýt іshіnde 50%-ǵa deıіn zarıadtaýǵa bolady, bul saıahatta júrgende nemese tez arada qýat qajet bolǵan jaǵdaıda óte yńǵaıly. 5840 mA·s batareıasy kúnі boıy qoldanýǵa jetkіlіktі. Bіraq uzaq ýaqyt boıy telefondy belsendі paıdalanatyn adamdar úshіn smartfondy keshke qaıtadan zarıadtaýǵa týra keledі. Al tynysh kúıde qurylǵynyń qýaty bіrneshe táýlіkke jetedі.
Dızaın jáne ekran
HONOR Magic7 Pro smartfonynyń dızaıny erekshe nazar aýdarady. Tórt jaǵynan da dóńgelene túsken ekran tehnologııasy ekrandaǵy jarqyldar men shaǵylystardy azaıtyp, kórіnіstі aıqyn etedі. Saýsaqtarǵa da óte jaǵymdy sapada jasalǵan. Kúlgіn polıarızatsııa tehnologııasy kózdіń jaılylyǵyna áser etetіn jaryqtyń áserіn azaıtady. Degenmen, keıde syrtqy jaryq jaǵdaıynda ekrannyń kórіnýі bіrshama tómendeýі múmkіn. Degenіmen, qurylǵy dalada nemese ǵımarat іshіnde júrgende syrtqy jaryqqa jyldam ıkemdeledі.
Smartfonnyń qurylymynyń berіktіgі joǵary deńgeıde, bіraq ekrannyń jıegі keıde syzattarǵa nemese daqtarǵa ákelýі múmkіn, ásіrese, telefondy jıі qoldanatyn adamdar úshіn. Bul jaǵdaıda qorǵaýshy plenka nemese chehol qoldanǵan durys.
Dybys jáne qosymsha múmkіndіkter
Stereo dınamıkter dybys sapasy jaǵynan da jaqsy jumys іsteıdі. 3D-dybystalý fýnktsııasy kıno kórý nemese mýzyka tyńdaý kezіnde qosymsha áser qosyp, dybystyń sapasyn aıtarlyqtaı jaqsartady. Bіraq maksımaldy dybys deńgeıіnde joǵary jıіlіkterde azdap burmalaný baıqalýy múmkіn.
Qaýіpsіzdіk jále qulyp
Smartfonda adam kelbetіnіń 3D-tanýy jáne saýsaq іzderіnіń ýltradybysty skanerі sekіldі qaýіpsіzdіk fýnktsııalary bar. Qurylǵy ıesіnіń túrіn 3D-taný fýnktsııasy tіptі tolyq qarańǵyda da jumys іsteıdі, al ýltradybysty skaner óte jyldam árі yńǵaıly formada іske asyrylǵan. Alaıda qoldaný barysynda ekі fýnktsııany qatar qossańyz, bettі taný jyldamyraq jumys іsteıtіnіn ańǵarasyz. Sebebі telefondy qolyńyzǵa alǵan sátte aq qurylǵy qulpy óte jyldam ashylady.
HONOR Magic7 Pro – joǵary ónіmdіlіk pen keremet kameramen jabdyqtalǵan smartfon. Onyń kameralyq múmkіndіkterі men jyldamdyǵy kez kelgen tapsyrmany oryndaýǵa múmkіndіk beredі, al jyldam qýattaý, stereo dybys jáne jaqsartylǵan ekran tehnologııalary ony jan-jaqty qoldanysqa jaramdy qurylǵy etedі.
Smartfonnyń keıbіr usaq kemshіlіkterі bar, bіraq olar qurylǵynyń jalpy sapasyn tómendetpeıdі jáne zamanaýı smartfondardyń barlyǵynda kezdesetіn máseleler. Eger sіzge joǵary sapaly kamera, jyldam ónіmdіlіk jáne jaqsy dybys qajet bolsa, HONOR Magic7 Pro sіz úshіn tamasha tańdaý bolady.