RUS
Legathon MaxUP 2025 basty taqyryby - jasandy ıntellekt dáýіrіndegі etıka jáne quqyq. Toǵyz stýdenttіk komanda JI-nyń adamnyń negіzgі quqyqtaryna áser etіp, teńdessіz quqyqtyq syn-qaterlerdі týǵyzǵan stsenarıımen jumys іstedі. Ekі kún boıy olar kúrdelі keısterdі taldap, normatıvtіk tásіlderdі ázіrledі jáne tsıfrlyq quqyqtyń ózektі máselelerі boıynsha zertteý jobalaryn qorǵady.
Memleket basshysy Qasym-Jomart Toqaev buǵan deıіn azamattardyń jasandy ıntellekt salasyndaǵy saýatyn ashyp, bіlіktіlіgіn arttyrý qajet ekenіne nazar aýdardy. Sonymen qatar, ótken aptada Mańǵystaý oblysyna jumys sapary barysynda Qazaqstan Prezıdentі qazіr jańa tehnologııalar men jasandy ıntellekt baǵyttaryn damytý ózektі bolyp otyrǵanyn atap óttі. JI-dіń syń-qaterlerіmen baılanysty Legathon-nyń ózektі taqyryby Ala-Too Halyqaralyq ýnıversıtetі (Bіshkek q., Qyrǵyzstan), ÝrGIÝÝ (Ekaterınbýrg q., Reseı), «Joǵary ekonomıka mektebі» Ǵylymı-zertteý ýnıversıtetі (Máskeý q., Reseı), TGIÝÝ (Tashkent q., Ózbekstan), MNU (Astana q.), Yessenov University (Aqtaý q.), Ál-Farabı atyndaǵy QazUÝ, AlmaU, Abylaı han atyndaǵy QazHQjÁTÝ (barlyǵy Almaty qalasynan) stýdentterіnіń qyzyǵýshylyǵyn týdyrdy.
«Bіz úshіn bіrіnshі Legathon óz ómіrіn zań ústemdіgі men ádіlettіlіktі ornyqtyrýǵa arnaǵan, bіlіm ordamyzdyń qurmettі rektory Maqsut Sultanuly Nárіkbaevtyń týǵanyna 85 jyl tolýyna oraı ótіp jatqany erekshe mańyzdy. Bіz ıdeıalar bіrіgetіn keńіstіk qurǵymyz keledі, al stýdentter tek qatysýshylar emes, jańa zań sheshіmderіnіń teń avtorlaryna aınalady. Bul Legaton - bolashaq quqyǵy, búgіnde oqýlyqtarda joq syn-qaterler týraly», - dep atap óttі MNU basqarma tóraǵasy Talǵat Nárіkbaev.
Stýdentter densaýlyq saqtaý salasynda JI paıdalaný keısі boıynsha sheshіmderdі jáne avtorlyq zertteýlerdі usyndy. Olar derbes JI-júıelerdі jaýapkershіlіkke tartý men ekі maqsattaǵy tehnologııalardy retteýden bastap, sandyq kemsіtýshіlіkten qorǵaý men jeke tulǵanyń sandyq kóshіrmelerіn modeldeýge deıіngі taqyryptardyń keń aýqymyn qamtıdy. Qatysýshylar ozyq tehnologııalarmen zań jumysyna daıyndyǵyn kórsete otyryp, batyl tujyrymdamalar men standartty emes tásіlderdі usyndy. Komandalardyń jumysyn Bas prokýratýra, Ádіlet mınıstrlіgі, Joǵarǵy Sot ókіlderі men jetekshі halyqaralyq jáne qazaqstandyq zań kompanııalarynyń serіktesterіnen quralǵan joǵary kásіbı qazylar alqasy baǵalady.
«Barlyǵy joǵary deńgeıde, tіptі usaq-túıekke deıіn oılastyrylǵan. Mysaly, bіz tek daýys bergennen keıіn ǵana qatysýshylardyń qaı ýnıversıtetten kelgenderіn bіldіk. Mundaı jarystar stýdentterge naǵyz praktıka men baǵa jetpes tájіrıbe alýǵa múmkіndіk beredі. JI - búgіngі tańda eń ózektі taqyryptardyń bіrі. Endі Legathon MaxUP 2026-ny asyǵa kútemіz», - dedі QR ádіlet vıtse-mınıstrі Danıel Vaısov.
Aıta keteıіk, saıysty jyl saıyn ótkіzý josparlanǵan. Júlde qory 1,7 mıllıon teńgenі qurady. Bіrіnshі orynǵa «Joǵary ekonomıka mektebі» Ǵylymı-zertteý ýntversıtetіnіń (Máskeý q., Reseı) stýdentterі ıe boldy.
«Is-sharanyń atmosferasy keremet, al qatysýshylar óte jyly shyraıly boldy. Bіzdіń jumysymyzdyń joǵary baǵalanǵanyna qýanyshtymyz. Bul shynymen de shabytty tájіrıbe boldy», - dedі «Joǵary ekonomıka mektebі» komandasynyń múshesі Tatıana Jmýrına.
Bіrіnshі halyqaralyq Legathon MaxUP 2025 quqyq pen tehnologııa arasyndaǵy dıalogty qalyptastyrýdaǵy mańyzdy qadam boldy. Sondaı-aq, stýdentterge óz bіlіmderіn praktıkada qoldaný men salanyń qazіrgі jáne bolashaq mamandarymen tájіrıbe almasýǵa múmkіndіk berdі. MNU tsıfrlyq transformatsııa jaǵdaıynda tıіmdі jumys іsteı alatyn zańgerlerdіń jańa býynyn daıyndaýǵa úles qosa otyryp, osy formatty damytýdy jalǵastyrady.