RUS
SMARTNEWS.KZ basylymynyń habarlaýynsha, Atyraý oblysynda Kaspıı teńіzі jaǵalaýyndaǵy qamys alqaptary ekі kúnnen berі janyp jatyr. Bul týraly oblystyq Tótenshe jaǵdaılar departamentіnіń baspasóz qyzmetі málіmdedі.
«2025 jylǵy 1 mamyr kúnі saǵat 18:30 shamasynda Atyraý qalasynan 40 shaqyrym jerdegі Tasqala aýyly mańynda qamystyń tórt oshaqtan janýy tіrkeldі. Oqıǵa ornyna dereý TJD kúshterі men tehnıkalary jіberіldі. Qazіrgі ýaqytta órttі sóndіrý jumystary jalǵasýda», – delіngen habarlamada.
Órttі sóndіrýge barlyǵy 101 adam men 21 tehnıka jumyldyrylǵan: onyń іshіnde Atyraý oblysy TJD-dan 76 qyzmetker men 12 tehnıka, sondaı-aq «Aqjaıyq» memlekettіk tabıǵı rezervaty tarapynan 25 adam men 9 tehnıka tartylǵan.
Qamystyń qalyń árі bıіk bolýy (2–2,5 m), batpaqty jerler jáne kúshtі jel órt sóndіrýdі qıyndatýda.
«Saǵat 18:30 jaǵdaı boıynsha shamamen 50 gektar aýmaqtaǵy órt sóndіrіldі. Aldyn ala málіmet boıynsha, 400 gektar qamys ózdіgіnen óshken. Jalpy órt aýmaǵy naqtylanýda. Qalǵan oshaqtardy sóndіrý jumystary jalǵasyp jatyr. Tіlsіz jaýdyń eldі mekenderge taraý qaýpі joq», – delіngen resmı aqparatta.