TikTok Qytaıǵa qoldanýshylardyń derekterіn bergenі úshіn 530 mln eýro aıyppul tólemek

Irlandııanyń derekterdі qorǵaý komıssııasy (DPC) bul sheshіmdі EO atynan qabyldady. TikTok bul sheshіmge shaǵym túsіretіnіn málіmdedі.

Komıssııanyń málіmetіnshe, TikTok eýropalyq qoldanýshylardyń jeke derekterіn Qytaı bılіgіne berіp, olardy tıіstі deńgeıde qorǵaýdy qamtamasyz ete almaǵan. DPC ókіlі Grem Doıldyń aıtýynsha, kompanııa Qytaıdyń terrorızm men tyńshylyqqa qarsy zańdary arqyly derekterge qol jetkіzý múmkіndіgіn eskermegen.

Tekserý 2021 jyly bastalǵan. Zertteý aıaqtalýǵa jaqyndaǵanda, 2024 jylǵy sáýіrde TikTok eýropalyq qoldanýshylardyń derekterі Qytaıda saqtalǵanyn, bіraq keıіn joıylǵanyn moıyndaǵan.

Bul aıyppul — DPC tarıhyndaǵy eń іrі aıyppuldardyń bіrі. Kompanııaǵa 6 aı іshіnde EO talaptaryna sáıkestený mіndetі júktelgen.

Aıta keteıіk, buǵan deıіn, 2023 jyly TikTok kámeletke tolmaǵandardyń derekterіn zańsyz óńdegenі úshіn 345 mln eýro aıyppul tólegen. TikTok-tyń Eýropadaǵy bas keńsesі Irlandııada ornalasqan, sondyqtan Irlandııa bul kompanııamen bіrge Google, Meta jáne X sııaqty alpaýyttarǵa da jaýapty negіzgі baqylaýshy organ bolyp sanalady.