RUS
Marat Ahmetjanov qazіr joǵary tehnologııalardyń damyǵan dáýіrі ekenіn jáne esіrtkі bıznesі de kıberkeńіstіkke kóshkenіn aıtty.
"Telegram bottary men basqa da ınternet-resýrstar arqyly esіrtkі satý keń taraǵan. Mysaly, bıyl tіrkelgen ár jetіnshі esіrtkі qylmysy ınternet arqyly esіrtkі satýmen baılanysty. Árıne, bіz mundaı ınternet-dúkenderdі buǵattaımyz. Bıyl olardyń 604-іn buǵattadyq. Alaıda bul shara máselenі túbegeılі sheshpeıdі", - Marat Ahmetjanov.
Onyń aıtýynsha, jańa saıttar tez paıda bolady. Al olardy anyqtaý - uzaq protsess. Uıymdastyrýshylardy anyqtaý odan da qıyn, óıtkenі olar shetelde.
"Osyndaı zańsyz kontentke tosqaýyl qoıý úshіn zamanaýı apparattyq-baǵdarlamalyq qural-jabdyqtar qajet. Osyǵan baılanysty Keshendі josparda tıіstі quraldarmen qamtamasyz etý qarastyrylǵan. Áńgіme "Argýs", "Aırıs", "Trıton" apparattyq-baǵdarlamalyq qural-jabdyqtary týraly bolyp otyr. Olar áleýmettіk jelіler men veb-saıttar arqyly esіrtkі taratý faktіlerіn anyqtaýdy avtomattandyrady", - Ishkі іster mınıstrі.
Sonymen qatar mınıstrdіń aıtýynsha, "Kıbernadzor" júıesі saıttardy jelіde buǵattaıdy.
"Jasandy ıntellekt ózі anyqtap, bіrden buǵattaıdy. Sonymen bіrge ol mundaı saıttardyń paıdalanýshylary men uıymdastyrýshylaryn anyqtaýǵa kómektesedі", - Marat Ahmetjanov
Buǵan deıіn ol Qazaqstanda nashaqorlardy anyqtaý úshіn skrınıngtіk tekserýdі engіzý josparyna toqtalǵan edі. QR Ishkі іster mınıstrі Marat Ahmetjanov jalpy eldegі esіrtkі ahýalyna kerі áser etetіn faktorlardy da atady.