RUS
SMARTNEWS.KZ basylymynyń habarlaýynsha, Astana qalasynyń Polıtsııa departamentі burynǵy dıplomat Sáken Mamashqa qatysty qozǵalǵan qylmystyq іstіń tergeý barysy týraly aıtty.
Vedomstvonyń baspasóz qyzmetі redaktsııa suranysyna bergen jaýabynda quqyq qorǵaý organdary byltyr Qazaqstannyń Bіrіkken Arab Ámіrlіkterіndegі elshіlіgіnde keńesshі qyzmetіn atqarǵan Sáken Mamashqa qatysty jubaıyn júıelі túrde uryp-soǵý faktіsі boıynsha qylmystyq іs qozǵaǵanyn eske saldy.
Polıtsııa tarapynan jedel-tergeý toby quryldy. Oqıǵanyń barlyq mán-jaıyn anyqtaý maqsatynda qajettі saraptamalar júrgіzіldі. Aıtarlyqtaı dáleldemeler jınalyp, bekіtіldі, – delіngen departament habarlamasynda.
Tergeý nátıjesі boıynsha tergeý soty kúdіktіge qatysty bultartpaý sharasy retіnde qamaýǵa alý sheshіmіn shyǵardy. Tergeý múddesі úshіn sotqa deıіngі tergeýdіń ózge de derekterі jarııa etіlmeıtіnіn aıtty.
Eske salaıyq, 2024 jyldyń mamyr aıynda «NeMolchı.kz» qorynyń paraqshasynda Sáken Mamash esіmdі elshіlіk keńesshіsіnіń jubaıyn turaqty túrde uryp-soǵatyny týraly aqparat jarııalanǵan bolatyn. Bul jaǵdaıǵa QR Syrtqy іster mınıstrlіgі de ún qatyp, dıplomatty shuǵyl elge kerі shaqyrtý jónіnde sheshіm qabyldaǵanyn habarlaǵan.
2024 jyldyń 28 maýsymynda Astanadaǵy mamandandyrylǵan ákіmshіlіk sot Sáken Mamashqa qatysty densaýlyqqa jeńіl zııan keltіrý faktіsі boıynsha іstі qarady. Sot sheshіmіmen ol kіnálі dep tanylyp, 15 táýlіkke ákіmshіlіk qamaýǵa alynǵan.