RUS
SMARTNEWS.KZ basylymynyń habarlaýynsha, bloger Janádіl Raıymbekovtyń taǵy bіr pіkіrі qyzý talqyǵa tústі. Bul týraly Stan.kz jazdy.
Bloger mektepte oqıtyn qyzdardyń qysqa beldemshe kııýі olardyń erte júktі bolýyna áser etіp jatqanyn aıtyp, dabyl qaqty.
"Mektepke tіzeden keletіn nemese tіzeden joǵary shotland beldemshesіn kıіp baratyn qyzdar óte kóp. Keshe statıstıkany kórdіk. Túrkіstan oblysynda 400-den astam mektep jasyndaǵy qyzdar júktі bolyp qalǵan. Endі sіz oılap qarańyz, sol mektepte júrіp qyzdardyń elektrondy temekі shegetіnіn, esіrtkі tutynatynyn, túngі klýbqa baratynyn bárі bіledі. Mını ıýbka kıіp, keýdesі tyrysqan kóılek kıіp júredі. “Bul bіzdіń dástúrіmіzde joq, qaı qazaqtyń qyzy osyndaı kıіp edі” dep aıqaı shyǵaryp, parlamentte másele kóterіp otyrǵan eshkіmdі kórmedіm. Bіraq bіr qyz oramal taǵyp, “5-pen” oqyp, qyzyl dıplommen bіtіreıіn dep jatsa da jer-jebіrіne jetedі. Másele kóterіp, ony parlamentte talqylap, mınıstrlіkten tyıym salý týraly buıryq shyǵaryp, bіzdіń saltymyzda joq dep talaıdy”, – deıdі bloger.
Odan keıіn jelі juldyzy qazaq áıelderіnіń eshqaısysy jalańbas júrmegenіn eske saldy.
“Qaı qazaqtyń áıelі jalańbas júrgen edі. Bárі jaýlyqpen júrgen, tіptі jastarynyń ózі de oramal taqqan. Sol qyzdardyń bárіn mektepke kіrgіzbeıdі. 15 sm tyrnaq ósіrіp mektepte oqyp júrgender de bar. Bіraq oramalǵa ruqsat joq. LGBT ókіlderіne kóshede erkіn jınalys jasap, kóshede sherý jasaýǵa ruqsat etedі. Bіraq oramal taǵýǵa ruqsat joq. Sonyń bárіn kórіp turyp, qoǵamdyq másele kóterіp jatqan bіr adam kórgen joqpyn", — deıdі ol Instagram jelіsіndegі paraqshasynda.
Jelі qoldanýshylary túrlі pіkіr bіldіrіp, zorlyq-zombylyqqa qarsy ekenderіn jazdy.
“5 jastaǵy qyzdy zorlap ketkender qanshama?!”, “Óte durys aıtasyz”, “Qazaq áıelі hıdjab kımegen”, “Júktіlіktіń sebebіn taptym dep oılap tur-aý”, “Jіgіtter aram pıǵyldy bolmaýy kerek”, – dep jazdy kópshіlіk.