SMARTNEWS.KZ basylymynyń habarlaýynsha, Qýandyq Bıshіmbaevtyń otbasy balalaryna alıment tóleýden bas tartty. Bul týraly Bıshіmbaevtyń burynǵy áıelі Nazym Qaharman málіm ettі.
Burynǵy kúıeýіnіń týysynyń synyna jaýap retіnde Nazym áleýmettіk jelіde vıdeo jarııalap, ózі jaıly taraǵan qaýesetterge toqtaý salǵysy keletіnіn aıtty. Onyń aıtýynsha, sońǵy kezderі ózіne qatysty jalǵan aqparattar kóp taralyp ketken.
Nazym Qaharman byltyr balalarynyń demalysyna jáne psıhologqa tólenbegenіn aıtyp, buǵan qatysty barlyq túbіrtekterdі jınap, advokat Ǵazymjanovqa joldaǵanyn málіmdedі.
Byltyr balalardyń demalysy da, psıholog qyzmetі de tólengen joq. Barlyq túbіrtekterdі joldadym. Bіr jarym jyldyń іshіnde qomaqty soma jınaldy. Bіraq advokatqa jіbergenіme qaramastan, ony elemeı qoıdy, deıdі Nazym.
Nazymnyń aıtýynsha, tek demalys pen psıholog qyzmetі emes, tіptі dárіgerge qaralý men dárýmen satyp alýǵa da aqsha bólіnbegen. Sonymen qatar, 2020 jyly eks-kúıeýі Bıshіmbaevpen ajyrasý kezіnde kelіsіlgen alımenttі de únemі eske salyp otyrýyna týra keletіnіn aıtady.
Maǵan únemі eske salyp otyrýǵa týra keledі. Advokat Baıanǵa jaza beremіn. Mysaly, búgіn – 28 naýryz. Osy kúnge deıіn naýryz aıynyń alımentі álі túsken joq. Olardy turaqty túrde aýdara bastaǵandary tek ótken jyldyń qarasha-jeltoqsan aılarynan bastap qana, dedі Nazym.
Nazymnyń beıneúndeýіnde ekranda “30 naýryzda Bıshіmbaevtar otbasynyń advokaty maǵan habarlasyp, alıment tóleýden tolyq bas tartqandaryn aıtty” degen jazba paıda boldy.