RUS
«Byltyr 16-naýryzda Prezıdent Qasym-Jomart Toqaev elіmіzdі saıası jańǵyrtýdyń aýqymdy baǵdarlamasyn usyndy. Sodan bergі bіr jylǵa jetpeıtіn ýaqytta buryn-sońdy Qazaqstanda bolmaǵan keń kólemdі ózgerіs jasaldy.
Bіrіnshіden, 1995 jyldan berі alǵash ret jalpyulttyq refendým óttі. Halqymyz konstıtýtsııalyq reformaǵa qoldaý bіldіrdі. Ata Zańdaǵy toǵyz taraýdyń segіzіne, 98 baptyń 33-іne túzetý engіzіlіp, basty qujattyń úshten bіrі jańartyldy. Sondaı-aq 7 konstıtýtsııalyq zańǵa, 15 kodekske jáne 29 zańǵa ózgerіster men tolyqtyrýlar engіzіldі.
Ekіnshіden, jańa saıası reformalar qolǵa alyndy. Endі Prezıdent 7 jyldyq merzіmge bіr ret saılanady. Sondaı-aq, Memleket basshysy saıası partııanyń múshesі bola almaıdy. Parlament pen máslıhattardy jasaqtaý tártіbі ózgerdі, olardyń ókіlettіgі kúsheıdі. Konstıtýtsııalyq sot qurylyp, jumys іsteı bastady. Bul rette atalǵan sot múshelerіnіń ókіlettіk merzіmі Prezıdent pen Parlament depýtattaryna qaraǵanda uzaǵyraq bolady.
Saıası partııalardy tіrkeý rásіmі jeńіldetіldі. Nátıjesіnde ekі jańa partııa tіrkeldі. Osylaısha, memlekettіk-saıası qurylymnyń jańa úlgіsі qalyptasyp, bılіk tarmaqtary arasynda tepe-teńdіk ornady.
Úshіnshіden, mańyzdy memlekettіk ınstıtýttardy júıelі túrde qaıta qurý úderіsі aıaqtalyp keledі. Prezıdent jáne Senat depýtattarynyń saılaýy óttі. 19-naýryzda jańa aralas júıe (partııalyq tіzіm men bіr mandatty okrýgter) boıynsha Májіlіs pen máslıhattardyń depýtattary saılanady.
Tórtіnshіden, elіmіzdіń ákіmshіlіk-aýmaqtyq qurylymy da ózgerdі. Abaı, Jetіsý jáne Ulytaý oblystary quryldy. Almaty oblysynyń ortalyǵy Qonaev qalasyna kóshtі.
Besіnshіden, memleket pen azamattyq qoǵam arasynda syndarly árіptestіk ornatý jumysy jalǵasty. Babalar jolymen Ulttyq quryltaı shaqyrylýyn osy baǵyttaǵy іlkіmdі іsterdіń dálelі deýge bolady. Onyń alǵashqy otyrysy ult uıasy – Ulytaýda óttі, ekіnshі otyrysy kıelі Túrkіstanda ótedі», - dep jazdy Erlan Tynymbaıuly áleýmettіk jelіdegі paraqshasyna.
Onyń paıymynsha, eń bastysy, Prezıdenttіń bastamasymen іske asqan saıası reformalar ulttyq qundylyqtarymyzdy jańǵyrtý úderіsіne tyń serpіn berdі. Sondaı-aq, azamattardyń belsendіlіgіn arttyrýǵa jáne olardyń elіmіzdі jan-jaqty damytý іsіne atsalysýyna jol ashty.